News February 12, 2025
నరసరావుపేట: ప్రభుత్వ ఆసుపత్రిలో రూ. 45 వేల ఇంజెక్షన్
జిల్లా ప్రభుత్వ ఆసుపత్రిలో గుండెపోటు వచ్చిన వారికి తొలి గంటలో ఇచ్చే రూ. 45వేలు విలువైన అత్యవసర టెనెక్ట్ ప్లస్ ఇంజెక్షన్ అందుబాటులో ఉందని సూపరింటెండెంట్ డా. రంగారావు తెలిపారు. ఎంతో ఖర్చుతో ఉన్న ఇంజెక్షన్ రాష్ట్ర ప్రభుత్వం ఉచితంగా అందిస్తుందన్నారు. గుండె నొప్పి రోగులకు స్వాంతన చేకూరేలా ఇంజెక్షన్ పనిచేస్తుందని వివరించారు. ఫిజీషియన్ స్పెషలిస్ట్ చే వ్యాధిగ్రస్తులకు ఇంజెక్షన్ ఇస్తున్నామని తెలిపారు.
Similar News
News March 25, 2025
GNT: విడదల రజనిని అరెస్ట్ చేస్తారా..?
చిలకలూరిపేటకు చెందిన మాజీ మంత్రి వైసీపీ నాయకురాలు విడుదల రజని అరెస్టు కానున్నారా? అనే విషయంపై పొలిటికల్ సర్కిల్లో విస్తృతంగా చర్చ జరుగుతోంది. స్టోన్ క్రషర్ యజమానిని బెదిరించి రూ.2 కోట్ల నగదు అక్రమంగా వసూలు చేసినట్లు ఇప్పటికే ఆమెపై కేసు నమోదు అయింది. ఎంపీ కృష్ణదేవరాయలు, ప్రత్తిపాటి పుల్లారావు, మర్రి రాజశేఖర్ వంటి కీలక నేతలు ఆమెపై వరుస పెట్టి ఆరోపణలు చేస్తుండటం ఈ వాదనకు మరింత బలాన్ని చేకూరుస్తోంది.
News March 25, 2025
పెరవలి : చికెన్ కోసం వెళ్లి ఇద్దరు మృతి
అన్నవరప్పాడు జాతీయ రహదారిపై ద్విచక్ర వాహనాన్ని కారు ఢీ కొట్టి , పిట్టల వేమవరం గ్రామానికి చెందిన మాకా సురేశ్ మృతి చెందిన విషయం తెలిసిందే. ఈ ఘటనలో తీవ్రంగా గాయపడ్డ హనుమంతు కూడా కన్నుమూశాడు. అయితే వారు ఇరువురూ చికెన్ కోసం అన్నవరప్పాడుకు వెళ్లినట్లు కుటుంబీకులు తెలిపారు. ఘటనపై ఎస్సై వెంకటేశ్వరరావు కేసు నమోదు చేసి దర్యాప్తు చేపట్టామన్నారు.
News March 25, 2025
జనగామ: ‘ఎల్ఆర్ఎస్‌ను సద్వినియోగం చేసుకోవాలి’
జనగామ పట్టణ పరిధిలో ఉన్న ఫ్లాట్ల క్రమబద్ధీకరణ (ఎల్ఆర్ఎస్)ను ఈ నెల 31 వరకు చేసుకునే అవకాశం ఉందని జిల్లా అధికారులు తెలిపారు. 25% డిస్కౌంట్‌తో ప్రభుత్వం అవకాశం కల్పిస్తుందని, ఈ అవకాశాన్ని పట్టణ వాసులు, ప్రజలు సద్వినియోగం చేసుకోవాలని సూచించారు. మళ్లీ క్రమబద్ధీకరణ తేదీని పెంచే అవకాశం లేదని, ఈ విషయాన్ని ప్రజలు గమనించాలని కోరారు.