News June 29, 2024
నరసరావుపేట: మాజీ మంత్రి పీఏ, మరిదిపై వ్యాపారుల ఫిర్యాదు
మాజీ మంత్రి విడదల రజని మరిది గోపి, పీఏ రామకృష్ణపై పల్నాడు జిల్లా అడిషనల్ ఎస్పీ లక్ష్మీపతికి యడ్లపాడు స్టోన్ క్రషర్ వ్యాపారులు ఫిర్యాదు చేశారు. 2020లో స్టోన్ క్రషర్ వ్యాపారులను రూ.5కోట్లు లంచం ఇవ్వాలని పీఏ రామకృష్ణ బెదిరించారని ఫిర్యాదులో పేర్కొన్నారు. చివరికి రామకృష్ణకి రూ.2కోట్లు, రజని మరిది గోపి, ఓ పోలీస్ అధికారికి చెరో రూ.10లక్షలు ఇచ్చినట్లు తెలిపారు. వారిపై చర్యలు తీసుకోవాలని కోరారు.
Similar News
News November 29, 2025
GNT: వీవీఐపీ మార్గాల్లో ప్రత్యేక భద్రతా తనిఖీలు
గుంటూరు ఎస్పీ వకుల్ జిందాల్ ఆదేశాలతో DSW, SSG బృందాలు ప్రకాశం బ్యారేజ్-సెక్రటేరియట్, లోటస్ పాయింట్-టీడీపీ కార్యాలయం మార్గాల్లో ప్రత్యేక భద్రత తనిఖీలు చేపట్టాయి. అదనపు ఎస్పీ హనుమంతు, SSG డీఎస్పీ రామకృష్ణ పర్యవేక్షణలో క్రిటికల్ పాయింట్లు, కల్వర్టులు, వ్యాపార సముదాయాలు, నిర్మాణ ప్రాంతాలు జాగిలాల సహాయంతో తనిఖీ చేశారు. ముందస్తు భద్రతా చర్యలను మరింత బలోపేతం చేయాలని అధికారులు తెలిపారు.
News November 29, 2025
GNT: పెరుగుతున్న కుక్క కాట్లు.. కారణమిదేనా.!
గుంటూరు (D)లో కుక్కకాటు కేసులు ఏటా 15-22% వరకు పెరుగుతున్నాయి. ఒక్క GGHలో వారానికి 140-170 కేసులు వస్తున్నాయంటే దీని తీవ్రత అంచనా వేయవచ్చు. ఏడాదికి 15 వేల-18 వేల స్టెరిలైజేషన్లు అవసరమైతే వాస్తవంగా సగం కూడా జరగటం లేదు. కాగా ఒక్క కుక్క ABCకి ₹900-₹1100 ఖర్చు అవుతుంది. జిల్లాకు అవసరమైన నిధులలో 30-40% మాత్రమే అందుతున్నాయని సమాచారం. అధికారుల తీరుపై ప్రజలు అసహనం వ్యక్తం చేస్తున్నారు. దీనిపై మీ COMMENT.
News November 29, 2025
గుంటూరు రైల్వే ప్రయాణికులకు అలర్ట్..!
విశాఖపట్నం-విజయవాడ సెక్షన్‌లో భద్రతాపరమైన ఆధునీకరణ పనుల కారణంగా గుంటూరు నుంచి వెళ్లే పలు రైళ్లను రద్దు చేస్తున్నట్లు రైల్వే శాఖ ప్రకటించింది. గుంటూరు – విశాఖపట్నం (17239) జనవరి 28 నుంచి 30 వరకు, విశాఖపట్నం – గుంటూరు (17240) జనవరి 29 నుంచి 31 వరకు రద్దయ్యాయి. గుంటూరు – విశాఖపట్నం (22876/22875) జనవరి 31న రద్దు చేశారు. వీటితో పాటు విజయవాడ నుంచి విశాఖ వెళ్లే పలు రైళ్లను కూడా ఆయా తేదీల్లో రద్దు చేశారు.