News March 9, 2025
నర్సాపూర్ (జి): అప్పుల బాధతో వ్యక్తి ఆత్మహత్య
గొల్లమడ గ్రామ శివారులోని నీరటి బుద్దేశ్వర్ వ్యవసాయ భూమికి దగ్గరలోని అడవిలో వేప చెట్టుకు గొల్లమడ గ్రామానికి చెందిన నీరటి గంగాధర్(44) ఉరేసుకొని ఆత్మహత్య చేసుకున్నాడు. అప్పుల బాధ భరించలేక ఉరేసుకొని చనిపోయినట్లు పోలీసులు తెలిపారు. అతని భార్య నీరటి సవిత నర్సాపూర్ జి పోలీస్ స్టేషన్లో ఫిర్యాదు చేయగా హెడ్ కానిస్టేబుల్ ఎండీ జలాలుద్దీన్ కేసు నమోదు చేసి విచారణ చేపట్టారు.
Similar News
News November 30, 2025
కొత్తగూడెం ప్రభుత్వ ఆస్పత్రిలో తొలిసారి ‘కీ హోల్’ సర్జరీలు
కొత్తగూడెం గవర్నమెంట్ జనరల్ హాస్పిటల్‌లో మొదటిసారిగా ఆర్థోస్కోపిక్ కీ హోల్ సర్జరీలు విజయవంతంగా జరిగాయి. భద్రాచలంకు చెందిన 26 ఏళ్ల ఎన్. ఠాగూర్, కొత్తగూడెంకు చెందిన 35 ఏళ్ల టి. స్రవంతి వేర్వేరు సందర్భాలలో తమ కుడి మోకాలికి దెబ్బ తగలడంతో ఆర్థోపెడిక్ డాక్టర్లను సంప్రదించారు. అధునాతన సదుపాయాలతో ఆర్థోపెడిక్ డాక్టర్ల బృందం వారికి శస్త్ర చికిత్స చేసి, వారి ఆరోగ్య సమస్యను విజయవంతంగా పరిష్కరించారు.
News November 30, 2025
రేపు ఏలూరు జిల్లాలో సీఎం పర్యటన
AP: సీఎం చంద్రబాబు రేపు ఏలూరు జిల్లాలో పర్యటించనున్నారు. ఉంగుటూరు మండలం గోపీనాథపట్నంలో ఎన్టీఆర్ భరోసా పెన్షన్లను పంపిణీ చేయనున్నారు. అనంతరం లబ్ధిదారులతో ముఖాముఖి నిర్వహిస్తారు. కాగా ‘పేదలకు సేవలో’ కార్యక్రమంలో నేతలంతా పాల్గొనాలని సీఎం పిలుపునిచ్చారు. నిరంతరం ప్రజల్లో ఉంటేనే మంచి నాయకులుగా రాణిస్తారని చెప్పారు. ఇవాళ ఆయన అందుబాటులో ఉన్న నాయకులతో టెలికాన్ఫరెన్స్‌లో మాట్లాడారు.
News November 30, 2025
ప్రకాశం జిల్లాలో వారికి సెలవులు రద్దు
దిత్వా తుఫాన్ నేపథ్యంలో ప్రకాశం జిల్లాలోని విద్యుత్తు శాఖ సిబ్బందికి 3రోజులు సెలవులు రద్దు చేశామని ఎస్ఈ కట్టా వెంకటేశ్వర్లు వెల్లడించారు. ఒంగోలులోని విద్యుత్ భవన్‌లో ఆదివారం ఆయన మాట్లాడుతూ.. విద్యుత్ వినియోగదారులు జాగ్రత్తలు తీసుకోవాలని కోరారు. వర్షాల సమయంలో మోటార్లు, స్తంభాల వద్దకు వెళ్లకుండా ఉండడమే మంచిదని సూచించారు. అత్యవసర సమయాల్లో 9440817491కు కాల్ చేయాలని కోరారు.