News April 9, 2025

నర్సీపట్నంలో అర్ధరాత్రి హత్య

image

నర్సీపట్నం మున్సిపాలిటీ అయ్యన్న కాలనీకి చెందిన ఇద్దరు యువకుల మధ్య జరిగిన ఘర్షణ హత్యకు దారి తీసింది. మంగళవారం అర్ధరాత్రి ప్రసాద్, మహేశ్ అనే ఇద్దరు యువకుల మధ్య గొడవ జరిగింది. సమాచారం అందుకున్న పోలీసులు ఘటనా స్థలానికి వెళ్లి వారిని పంపించేశారు. పోలీసులు వెళ్లిన తర్వాత ఇద్దరి మధ్య మళ్లీ ఘర్షణ జరిగి ప్రసాదును మహేశ్ కత్తితో పొడిచి హత్య చేశాడు. స్థానిక పోలీసులు విచారణ ప్రారంభించారు.

Similar News

News November 30, 2025

కరీంనగర్‌లో ప్రజావాణి తాత్కాలికంగా రద్దు

image

గ్రామ పంచాయతీ ఎన్నికల షెడ్యూల్ విడుదలైన నేపథ్యంలో కరీంనగర్ జిల్లాలో ప్రతీ సోమవారం నిర్వహించే ప్రజావాణి కార్యక్రమాన్ని తాత్కాలికంగా రద్దు చేస్తున్నట్లు కలెక్టర్ పమేలా సత్పతి ప్రకటించారు. ఎన్నికల కోడ్ ముగిసేంత వరకు ఈ రద్దు కొనసాగుతుందని, అనంతరం యథావిధిగా కార్యక్రమం పునఃప్రారంభమవుతుందని ఆమె తెలిపారు. ఈ విషయాన్ని ప్రజలు గమనించాలని కలెక్టర్ సూచించారు.

News November 30, 2025

కోనరావుపేట: రిటర్నింగ్ అధికారిపై సస్పెన్షన్ వేటు

image

ఎన్నికల నిబంధనలు ఉల్లంఘించిన కారణంగా కోనరావుపేట ఎన్నికల రిటర్నింగ్ అధికారి వెంకటేశ్వర్రావును జిల్లా ఇన్‌ఛార్జి కలెక్టర్ గరీమా అగ్రవాల్  సస్పెండ్ చేశారు. శివంగళపల్లెకు చెందిన మాజీ మావోయిస్టు నేరెళ్ల జ్యోతి అలియాస్ జ్యోతక్క శుక్రవారం నామినేషన్ దాఖలు చేసిన సందర్భంగా ఎన్నికల రిటర్నింగ్ అధికారి గదిలోకి నలుగురిని అనుమతించిన కారణంగా ఆయనపై సస్పెన్షన్ వేటు వేశారు.

News November 30, 2025

సూర్యాపేట: ప్రారంభమైన రెండో విడత నామినేషన్లు

image

సూర్యాపేట జిల్లా స్థానిక సంస్థల ఎన్నికల్లో రెండో విడత నామినేషన్ ప్రక్రియ ప్రారంభమైంది. జిల్లాలోని 8 మండలాలకు చెందిన 181 గ్రామపంచాయతీలు, 1,628 వార్డుల కోసం అభ్యర్థులు నామినేషన్‌లు స్వీకరించనున్నారు. నామినేషన్ వేసే కేంద్రాల్లో అధికారులు ఏర్పాట్లు పూర్తి చేశారు. ఎన్నికలు ప్రశాంతంగా నిర్వహించేలా భద్రతా చర్యలు కట్టుదిట్టం చేశారు.