News March 31, 2025

నల్గొండ: మద్యం మత్తులో భార్యను చంపిన భర్త

image

నల్గొండ జిల్లా గుర్రంపోడు మండలం పరిధిలోని తెరాటిగూడెంలో దారుణం జరిగింది. మద్యం మత్తులో భార్యను హత్య చేశాడో భర్త. రోజూ తాగి వస్తున్న భర్తతో భార్య అరుణ(35) సోమవారం గొడవకు దిగింది. దీంతో ఆవేశానికి గురైన భర్త గొడ్డలితో ఆమెపై దాడి చేయడంతో అరుణ అక్కడికక్కడే మృతి చెందింది. సమాచారం అందుకున్న పోలీసులు ఘటనా స్థలికి చేరుకొని దర్యాప్తు చేస్తున్నారు. మరిన్ని వివరాలు తెలియాల్సి ఉంది.

Similar News

News November 29, 2025

బి.కొత్తకోట: పరీక్ష విధానంతో విచారణ

image

బి. కొత్తకోటలోని శంకరాపురం జెడ్పీ హైస్కూల్ విద్యార్థిని జానకిరాణి టీచర్ మందలించాడని విషం తాగి ఆత్మహత్యాయత్నానికి పాల్పడడం తెలిసిందే. దీనిపై మదనపల్లి డివైఈఓ లోకేశ్వర్ రెడ్డి, ఎంఈఓ రెడ్డిశేఖర్, హెచ్ఎం మునిస్వామి శుక్రవారం విచారించారు. పిల్లలను విడివిడిగా కూర్చోబెట్టి ప్రశ్నలను పరీక్ష పత్రాల రూపంలో ఇచ్చి సమాధానాలు రాయించారు.

News November 29, 2025

వనపర్తి: నామినేషన్లకు నేడు లాస్ట్.. కలెక్టర్

image

వనపర్తి జిల్లాలోని ఐదు మండలాలకు సంబంధించిన మొదటి గ్రామ పంచాయతీ ఎన్నికల నామినేషన్ల ప్రక్రియ శనివారం సాయంత్రం 5 గంటలకు ముగుస్తుందని కలెక్టర్ ఆదర్శ తెలిపారు. సర్పంచ్, వార్డు మెంబర్ స్థానాలకు పోటీ చేసే అభ్యర్థులు ఉదయం 10:30 గంటల నుంచి రిటర్నింగ్ అధికారి కార్యాలయంలో నామినేషన్లు దాఖలు చేయాలని ఆయన సూచించారు. సా.5 గంటల తర్వాత ఆలస్యంగా వచ్చే నామినేషన్లను స్వీకరించబోమని కలెక్టర్ స్పష్టం చేశారు.

News November 29, 2025

ఫేక్ వీడియో కాల్స్‌తో మోసాలు: డీఎస్పీ

image

నకిలీ వీడియో కాల్స్‌తో సైబర్ మోసాలు జరుగుతున్నాయని పరిగి DSP శ్రీనివాస్ హెచ్చరించారు. తెలియని నంబర్ల నుంచి వీడియో కాల్స్ వస్తే స్పందించవద్దని ప్రజలకు సూచించారు. కొందరు వ్యక్తులు నగ్నంగా మాట్లాడి, ఆ దృశ్యాలను మార్ఫింగ్ చేసి బెదిరింపులకు పాల్పడుతున్నారని తెలిపారు. ఇలాంటి మోసాలకు భయపడకుండా వెంటనే స్థానిక పోలీసులను ఆశ్రయించాలని, సైబర్ ఫిర్యాదుల కోసం ‘1930’కు కాల్ చేయాలని కోరారు.