News August 11, 2024

నల్గొండ: వారంలోనే పెళ్లి.. నిద్రలోనే యువకుడి మృతి

వారం రోజుల్లో వివాహం.. నిద్రలో యువకుడు మృతి చెందిన ఘటన నల్గొండ జిల్లా నిడమనూరు(M) ముప్పారంలో జరిగింది. గ్రామస్థుల వివరాల ప్రకారం.. గ్రామానికి వాసి శివ(25) పొలం పనులు చేసుకుంటూ జీవనం సాగించేవాడు. ఈనెల 18న శివకు వివాహం నిశ్చయమైంది. శనివారం పెళ్లి బట్టలు కోసం తల్లి ఉదయాన్నే శివను లేపేందుకు ప్రయత్నించగా లేవలేదు. దీంతో వారు చనిపోయినట్లు నిర్ధారించుకున్నారు. కాగా, శివ మృతికి గల కారణాలు తెలియరాలేదు.