News October 9, 2024
నల్లబెల్లి: చదువుల తల్లికి ఐదు ప్రభుత్వ కొలువులు
నల్లబెల్లి మండల కేంద్రానికి చెందిన వడ్లూరి విష్ణు రమాదేవి దంపతుల కుమార్తె శ్వేత ఐదు గెజిటెడ్ ఉద్యోగాలు సాధించింది. ఏఈఈ ఫలితాలలో రాష్ట్ర స్థాయిలో మహిళా విభాగంలో 7వ ర్యాంకు సాధించి, ఆర్ అండ్ బి సబ్ డివిజన్ కరింనగర్‌లో ఉద్యోగం సాధించింది. పాలిటెక్నిక్ లెక్చరర్ ఫలితాలలో రెండో ర్యాంకు, ఏఈ ఫలితాలలో మూడో ర్యాంక్, టౌన్ ప్లానింగ్ ఫలితాలలో 14 ర్యాంక్, ఇస్రో ఫలితాలలో జాతీయ స్థాయిలో టాపర్‌గా నిలిచింది.
Similar News
News October 9, 2024
నియామక పత్రాల పంపిణీ కార్యక్రమంలో పాల్గొన్న సీతక్క
హైదరాబాదులో డీఎస్సీ అభ్యర్థులకు నియామక పత్రాల పంపిణీ కార్యక్రమంలో సీఎం రేవంత్ రెడ్డి, డిప్యూటీ సీఎం భట్టి విక్రమార్కతో కలిసి మంత్రి సీతక్క పాల్గొన్నారు. ముందుగా సీఎం రేవంత్ రెడ్డితో కలిసి మంత్రి సీతక్క జ్యోతి ప్రజ్వలన చేశారు. కార్యక్రమంలో పలువురు మంత్రులు, ఎమ్మెల్యేలు, ప్రజాప్రతినిధులు పాల్గొన్నారు.
News October 9, 2024
వరంగల్: రేపటి నుంచి ఎనుమాముల మార్కెట్‌కు సెలవులు
వరంగల్ నగరంలోని ఎనుమాముల మార్కెట్‌కు రేపటి నుంచి నాలుగు రోజులు వరుసగా సెలవులు ప్రకటిస్తున్నామని మార్కెట్ ఉన్నతశ్రేణి కార్యదర్శి పి. నిర్మల ఒక ప్రకటనలో తెలిపారు. రేపు దుర్గాష్టమి, ఎల్లుండి మహార్నవమి, 12న విజయదశమి, 13న ఆదివారం సందర్భంగా మార్కెట్ బంద్ ఉంటుందన్నారు. కాబట్టి రైతులు మార్కెట్‌కు రాకూడదని పేర్కొన్నారు. ఈనెల 14న మార్కెట్ పునః ప్రారంభమవుతుందని తెలిపారు.
News October 9, 2024
BHPL: 12వ తేదీన రావణసుర వధ కార్యక్రమం
గోరి కొత్తపల్లి మండల కేంద్రంలో స్నేహ యూత్ అసోసియేషన్ ఆధ్వర్యంలో 12వ తేదీన రాత్రి 8 గంటలకు రావణాసుర వాద కార్యక్రమాన్ని నిర్వహించనున్నట్లు యూత్ అధ్యక్షుడు ఆవుల రాజు తెలిపారు. మండలంలో తొలిసారిగా రావణ వధ కార్యక్రమాన్ని చేపడుతున్నామని, గ్రామ ప్రజలు అధిక సంఖ్యలో హాజరై విజయవంతం చేయాలని రాజు పిలుపునిచ్చారు.