News March 17, 2025
నాగన్న బావిని అభివృద్ధి చేయాలి: ఎల్లారెడ్డి ఎమ్మెల్యే
లింగంపేట మండల కేంద్రంలో గల పురాతన నాగన్న బావిని అభివృద్ధి చేయాలని ఎల్లారెడ్డి ఎమ్మెల్యే మదన్ మోహన్ రావు కోరారు. ఆయన అసెంబ్లీలో పురాతన ఆలయాలపై మాట్లాడారు. నాగన్న బావిని పర్యటక కేంద్రంగా తీర్చిదిద్దాలని కోరారు. ఇప్పటికే దాతల సహకారంతో నాగన్న బావిని కొంతమేరకు అభివృద్ధి చేసినట్లు వివరించారు. పర్యాటక కేంద్రానికి కావలసిన నిధులు మంజూరు చేయాలని కోరారు.
Similar News
News November 30, 2025
20% పెరిగిన ‘ఇసుక’ ఆదాయం
TG: ఇసుక అమ్మకాలతో ప్రభుత్వానికి వచ్చే ఆదాయం గత ఏడాదితో పోలిస్తే 20% పెరిగింది. 2023-24లో ₹654.58Cr, 2024-25లో ₹738.74Cr ఆదాయం వచ్చినట్లు అధికారులు వెల్లడించారు. ప్రస్తుత ఆర్థిక సంవత్సరంలో ఇప్పటివరకు 138.07L మెట్రిక్ టన్నుల ఇసుక విక్రయించగా ₹600Cr వచ్చినట్లు పేర్కొన్నారు. మరో 4నెలల్లో ఈ మొత్తం ₹1000Crకు చేరుతుందని అంచనా. డిమాండ్‌కు తగ్గ సరఫరా, అక్రమాలకు అడ్డుకట్టతో ఆదాయం పెరిగినట్లు చెబుతున్నారు.
News November 30, 2025
చెరుకుపల్లి: అనుమానాస్పద స్థితిలో యువకుడి మృతి
చెరుకుపల్లి మండలం ఆరుంబాక గ్రామం వద్ద రహదారి పక్కన అనుమానాస్పద స్థితిలో యువకుడి మృతదేహాన్ని స్థానికులు గుర్తించారు. మృతుడు పురుగుమందు తాగి మృతి చెందినట్లు స్థానికులు అనుమానిస్తున్నారు. మృతుడు చెరుకుపల్లిలోని బ్యాంక్ ఆఫ్ ఇండియా బజార్‌లో ఉన్న సాయి ఫ్యాన్సీ షాప్ నిర్వాహకుడి కుమారుడు బచ్చు సాయి (32)గా గుర్తించారు. సంఘటన స్థలానికి చేరుకున్న చెరుకుపల్లి పోలీసులు కేసు నమోదు చేసి దర్యాప్తు చేస్తున్నారు.
News November 30, 2025
నారాయణపేట: నేటి నుంచి రెండో విడత నామినేషన్ల స్వీకరణ
నారాయణపేట జిల్లాలోని నాలుగు మండలాలు (దామరగిద్ద, ధన్వాడ, మరికల్, నారాయణపేట) పరిధిలో ఆదివారం నుంచి సర్పంచ్ నామినేషన్ల స్వీకరణ ప్రారంభం కానుంది. ఈ నాలుగు మండలాల్లో కలిపి 95 గ్రామ పంచాయతీలు, 900 వార్డులకు ఎన్నికలు జరగనున్నాయి. డిసెంబర్ 3న పరిశీలన, 6న ఉపసంహరణకు అవకాశం ఉంది. డిసెంబర్ 14న పోలింగ్, అదే రోజు కౌంటింగ్ ఉంటుంది.