News March 19, 2025
నాగర్‌కర్నూల్ జిల్లాలో విషాదం.. మహిళ ఆత్మహత్య
ఓ మహిళ ఆత్మహత్య చేసుకున్న ఘటన నాగర్‌కర్నూల్ జిల్లా బిజినపల్లిలో మంగళవారం జరిగింది. పోలీసులు తెలిపిన వివరాలు.. బిజినపల్లి వాసి బత్తుల లక్ష్మి(48) ఇంట్లో ఎవరూ లేని సమయంలో ఒంటిపై డీజిల్ పోసుకుని నిప్పు అంటించుకుంది. చుట్టుపక్కల వారు గమనించేసరికి ఇంట్లో మంటలు ఎగిసిపడి అక్కడికక్కడే మృతిచెందినట్లు తెలిపారు. కుటుంబీకుల ఫిర్యాదు మేరకు కేసు నమోదు చేసి, దర్యాప్తు చేస్తున్నట్లు ఏఎస్ఐ సయ్యద్ అలీ తెలిపారు.
Similar News
News November 29, 2025
అమెరికన్ల భద్రతే మా ప్రాధాన్యత: రూబియో
అఫ్గాన్ పాస్‌పోర్టుతో ప్రయాణం చేసే వారికి తక్షణమే వీసాలు నిలిపివేస్తున్నట్లు US ప్రకటించింది. నేషనల్ సెక్యూరిటీ నేపథ్యంలో ఈ నిర్ణయం తీసుకున్నట్లు డిపార్ట్‌మెంట్ ఆఫ్ స్టేట్ వెల్లడించింది. అమెరికా విదేశాంగ మంత్రి మార్కో రూబియో కూడా ఈ నిర్ణయంపై స్పందించారు. ‘మన దేశాన్ని, మన ప్రజలను కాపాడుకోవడం కంటే మరేదీ ప్రాధాన్యం కాదు’ అని పేర్కొన్నారు. <<18400253>>వైట్ హౌస్<<>> వద్ద కాల్పుల ఘటన నేపథ్యంలో ఈ నిర్ణయం తీసుకున్నారు.
News November 29, 2025
పిఠాపురం మున్సిపాలిటీలో అధికారులపై వేటు
పిఠాపురం పురపాలక సంఘంలో నిధుల దుర్వినియోగానికి బాధ్యులైన ఇంజినీరింగ్‌ అధికారులపై వేటు పడింది. గత ప్రభుత్వ హయాంలో రూ.7.73 కోట్లతో చేపట్టిన 55 పనుల్లో నాణ్యత లోపించిందని, కొన్ని చోట్ల పనులు చేయకుండానే బిల్లులు స్వాహా చేశారని విజిలెన్స్‌ విచారణలో తేలింది. దీంతో అప్పట్లో పనిచేసిన ముగ్గురు ఏఈలు, ఇద్దరు డీఈఈలు, పబ్లిక్ హెల్త్‌ ఈఈని సస్పెండ్‌ చేస్తూ ఉన్నతాధికారులు ఉత్తర్వులు జారీ చేశారు.
News November 29, 2025
పాడేరు: టెన్త్ చదివే విద్యార్థులకు అలెర్ట్
10వ తరగతి విద్యార్థులకు, మార్చి-2026లో జరిగే పబ్లిక్ పరీక్షల ఫీజు గడువును పెంచుతూ ప్రభుత్వం ఉత్తర్వులు జారీ చేసినట్లు డీఈవో పీ.బ్రహ్మాజీరావు శుక్రవారం తెలిపారు. గడువును ఈనెల 30వ తేదీ నుంచి డిశంబరు నెల 6వ తేదీ వరకు పెంచినట్లు తెలిపారు. ఎలాంటి అపరాధ రుసుం లేకుండా డిశంబరు 6వ తేదీలోగా పరీక్ష ఫీజు చెల్లించవచ్చన్నారు. www.bse.ap.gov.in వెబ్సైట్ ద్వారా స్కూల్ లాగిన్లో చెల్లించాలని సూచించారు.