News March 15, 2025
నాగసముద్రంలో 41°C ఉష్ణోగ్రత
అనంతపురం జిల్లాలో రికార్డు ఉష్ణోగ్రత నమోదైంది. శుక్రవారం జిల్లాలోని నాగసముద్రంలో ఏకంగా 41°C ఉష్ణోగ్రత నమోదైనట్లు ఏపీ విపత్తుల నిర్వహణ సంస్థ మేనేజింగ్ డైరెక్టర్ రోణంకి కూర్మనాథ్ తెలిపారు. ఈ ఏడాది ఇప్పటి వరకు ఇదే అత్యధిక ఉష్ణోగ్రత. రాబోయే రోజుల్లో ఎండలు మరింత పెరిగే అవకాశం ఉందని వాతావరణ నిపుణులు చెబుతున్నారు.
Similar News
News September 19, 2025
తలమడుగు: కలప అక్రమ రవాణా
ఆదిలాబాద్ జిల్లా తలమడుగు మండలంలో అక్రమంగా నిల్వ ఉంచిన టేకు కలపను అటవీ శాఖ అధికారులు పట్టుకున్నారు. గురువారం పక్కా సమాచారంతో టాస్క్‌ఫోర్స్ రేంజ్ ఆఫీసర్ శ్రీనివాస్ రెడ్డి ఆధ్వర్యంలో దేవాపూర్ సమీపంలోని MS గార్డెన్‌లో సిబ్బంది తనిఖీలు చేశారు. రూ.84 వేల విలువైన టేకు కలప దొరికినట్లు చెప్పారు. కలపను జప్తు చేసి యజమాని మొహమ్మద్ మూసా, లక్షణ్ పై కేసు నమోదు చేసి విచారణ జరుపుతున్నట్లు తెలిపారు.
News September 19, 2025
SRPT: ‘సాదాబైనామా దరఖాస్తులను పరిశీలించాలి’
భూ భారతి చట్టం అమలులో భాగంగా సాదాబైనామా దరఖాస్తులను పరిశీలించి నోటీసులు జారీ చేయాలని జిల్లా అదనపు కలెక్టర్ కే.సీతారామారావు రెవెన్యూ అధికారులను ఆదేశించారు. గురువారం ఆర్డీవోలు, తహశీల్దార్లతో రెవెన్యూ అంశాలపై ఆయన వెబ్‌ఎక్స్ ద్వారా వీడియో కాన్ఫరెన్స్ నిర్వహించారు. ఈ వీడియో కాన్ఫరెన్స్‌లో ఆర్డీవోలు, తహశీల్దార్లతో పాటు ఈ-సెక్షన్ సూపరింటెండెంట్ సాయి గౌడ్, డీటీ వేణు తదితర అధికారులు పాల్గొన్నారు.
News September 19, 2025
రెసిడెన్షియల్ స్కూల్ కం కాలేజ్ పనుల పరిశీలన
మేడ్చల్ జిల్లా కలెక్టర్ మనూ చౌదరి సోమవారంలోని తెలంగాణ ట్రైబల్ వెల్ఫేర్ అప్ గ్రేడెడ్ రెసిడెన్షియల్ స్కూల్ కం కాలేజ్ గర్ల్స్ భవన నిర్మాణాన్ని తనిఖీ చేశారు. నిర్మాణ పనులు త్వరగా పూర్తయ్యేలా అధికారులను ఆయన ఆదేశించారు. డార్మెంటరీలు, తరగతి గదులు, కిచెన్, టాయిలెట్లు మొదట పూర్తి చేసి దసరా నాటికి భవనం వినియోగంలోకి తీసుకురావాలని సూచించారు. విద్యార్థుల అవసరాలకు అనుగుణంగా అదనపు ప్రతిపాదనలు పంపాలని చెప్పారు.