News February 26, 2026
నారాయణపేట అదనపు కలెక్టర్గా ఫణీంద్ర రెడ్డి
నారాయణపేట జిల్లా అదనపు కలెక్టర్గా జి. ఫణీంద్ర రెడ్డి నియమితులయ్యారు. రాష్ట్రవ్యాప్త ఐఏఎస్ అధికారుల బదిలీల్లో భాగంగా ప్రభుత్వం ఈ మేరకు ఉత్తర్వులు జారీ చేసింది. ఇప్పటివరకు తెలంగాణ రాష్ట్ర వైద్య సేవలు, మౌలిక సదుపాయాల అభివృద్ధి సంస్థ (TGMSIDC) మేనేజింగ్ డైరెక్టర్గా సేవలందించిన ఆయనను నారాయణపేటకు బదిలీ చేశారు. త్వరలోనే ఆయన జిల్లా కేంద్రంలో బాధ్యతలు స్వీకరించనున్నారు.
Similar News
News April 14, 2026
ఏడేళ్ల తర్వాత ‘ఇంటి పన్ను’ లెక్కలు షురూ!
జిల్లాలో గ్రామ పంచాయతీల ఆదాయం పెంచడమే లక్ష్యంగా ఏడేళ్ల సుదీర్ఘ విరామం తర్వాత ఇంటి పన్నుల పునఃమదింపు ప్రక్రియ ప్రారంభమైంది. 2018లో చివరిసారిగా జరిగిన ఈ ప్రక్రియ, మళ్లీ ఇప్పుడు పట్టాలెక్కుతోంది. ఇండ్ల కొలతలు, నిర్మాణాల్లో మార్పులు, కొత్తగా నిర్మించిన భవనాలను క్షేత్రస్థాయిలో పరిశీలించి ఆన్లైన్లో నమోదు చేయనున్నారు. 849 పంచాయతీల్లో ఈ ప్రక్రియ ద్వారా అదనంగా సుమారు రూ.2 కోట్లు ఆదాయం రానున్నది.
News April 14, 2026
విశాఖ గూగుల్ డేటా సెంటర్కు ప్రత్యేక డిస్కమ్ హోదా
విశాఖలో ఏర్పాటు కానున్న గూగుల్ డేటా సెంటర్ ప్రాజెక్ట్పై రాష్ట్ర ప్రభుత్వం కీలక నిర్ణయం తీసుకుంది. గూగుల్ అనుబంధ సంస్థ రైడెన్ ఇన్ఫోటెక్కు ‘డీమ్డ్ డిస్ట్రిబ్యూషన్ లైసెన్స్’ హోదా ఇవ్వనుంది. దీనిపై త్వరలో అధికారిక GO వెలువడనుంది. ఈ హోదాతో గూగుల్ స్వయంగా విద్యుత్ కొనుగోలు చేసి పంపిణీ చేసుకునే అవకాశం పొందుతుంది. స్థానిక వినియోగదారులపై అదనపు భారం పడకుండా ప్రభుత్వం చర్యలు తీసుకుంది.
News April 14, 2026
GNT: సీఎం చంద్రబాబు నేటి షెడ్యూల్ ఇదే
సీఎం చంద్రబాబు మంగళవారం పలు కార్యక్రమాల్లో పాల్గొననున్నారు. ఉదయం 11 గంటలకు క్యాంప్ కార్యాలయంలో జరిగే అంబేడ్కర్ జయంతి వేడుకలకు ఆయన హాజరవుతారు. ఆ తర్వాత మధ్యాహ్నం 1.40 గంటలకు SRM యూనివర్సిటీకి బయలుదేరి వెళ్తారు. అక్కడ మధ్యాహ్నం 2 గంటలకు నూతనంగా ఏర్పాటు చేసిన క్వాంటం రిఫరెన్స్ ఫెసిలిటీని ముఖ్యమంత్రి ప్రారంభిస్తారు. అనంతరం సాయంత్రం 6.30 గంటలకు ఆయన తిరిగి తన నివాసానికి చేరుకుంటారు.