News February 13, 2026
నారాయణపేట జిల్లాలో కాంగ్రెస్ విజయం..!
నారాయణపేట జిల్లా మద్దూరు మున్సిపాలిటీలో కాంగ్రెస్ విజయగర్జన చేసింది. 1వ వార్డులో ఆ పార్టీ అభ్యర్థి సంగీత రమేష్ నాయక్ ఘనవిజయం సాధించారు. మొత్తం 16 వార్డులున్న ఈ మున్సిపాలిటీలో వెలువడిన తొలి ఫలితం ఇదే. మొదటిసారి మున్సిపాలిటీగా ఏర్పడిన మద్దూరులో గెలవడం పట్ల సంగీత హర్షం వ్యక్తం చేస్తూ, ఓటర్లకు కృతజ్ఞతలు తెలిపారు.
Similar News
News March 9, 2026
సూర్యాపేట: సైబర్ నేరాలు.. ఊరు వదిలి వెళుతున్నారు
సూర్యాపేట జిల్లాలో ఇటీవల కొంతమందిపై సైబర్ కేసులు నమోదైన సంగతి తెలిసిందే. వారి కోసం పోలీసులు జల్లెడ పడుతున్నారు. భయంతో కొంతమంది సైబర్ నేరగాళ్లు గ్రామాలు వదిలి వెళుతున్నట్లు సమాచారం. HYDతో పాటు పలు ద్వితీయ శ్రేణి పట్టణాలలో ఉంటున్నట్లు తెలుస్తోంది. పోలీసులు వారిని పట్టుకునే పనిలో ఉన్నారు. సైబర్ నేరాల్లో జీవితం నాశనం చేసుకోవద్దని పోలీసులు హెచ్చరిస్తున్నారు.
News March 9, 2026
VKBలో ఎండలు.. జంకుతున్న ప్రజలు
భానుడి ప్రతాపం అధికంగా ఉండడంతో ప్రజలు బయటకు రావడానికి జంకుతున్నారు. ప్రధానంగా ఇంటర్మీడియట్ పరీక్షలు జరుగుతున్న నేపథ్యంలో విద్యార్థులు జిల్లా అంతా తిరుగుతున్నారు. ఎండ వేడిమి తట్టుకోలేక బయటికి రాని పరిస్థితి ఉన్నప్పటికీ తప్పనిసరిగా బయటికి రావాల్సిన అవసరం ఏర్పడింది. ఈ వారంలో 38 డిగ్రీల గరిష్ఠ ఉష్ణోగ్రత నమోదైంది. ఈ వారంలో 40 డిగ్రీలు టచ్ అయ్యే అవకాశం ఉందని HYD వాతావరణ కేంద్ర హెచ్చరించింది.
News March 9, 2026
మండే ఎండలు.. ఉరుములతో వర్షాలు
AP: రాష్ట్రంలో ఎండలు మండిపోతున్నాయి. నిన్న దాదాపు అన్ని జిల్లాల్లో పగటి ఉష్ణోగ్రతలు సాధారణం కంటే 2-3 డిగ్రీలు ఎక్కువగా నమోదయ్యాయి. కర్నూలులో 38.9, కడపలో 38.8 డిగ్రీల గరిష్ఠ టెంపరేచర్ రికార్డయింది. మరోవైపు ఉపరితల ద్రోణి ప్రభావంతో అక్కడక్కడా వర్షాలు కురిశాయి. ఇవాళ కూడా ఉత్తర కోస్తా జిల్లాల్లో ఉరుములతో కూడిన వానలు పడతాయని IMD వెల్లడించింది.