News April 2, 2025
నారాయణపేట: ARMY జాబ్స్ కొట్టారు.. సన్మానం

నారాయణపేట జిల్లా కేంద్రంలోని అవంగాపూర్ గ్రామానికి చెందిన లక్ష్మీకాంత్, రహిమాన్ పాషా ఆర్మీకి సెలెక్ట్ కావడంతో తోటి మిత్రులు, గ్రామస్థులు వారిని అభినందిస్తూ వారిని శాలువాతో సన్మానించారు. ఈ సందర్భంగా వారు మాట్లాడుతూ.. దేశానికి సేవ చేయడం అదృష్టంగా భావిస్తున్నామని, యువకులు తమ నైపుణ్యాన్ని ప్రదర్శించి ఉద్యోగ అవకాశాలు కల్పించుకోవాలన్నారు. ఈ కార్యక్రమంలో గ్రామ ప్రజలు తదితరులు పాల్గొన్నారు.
Similar News
News April 4, 2025
MBNR: బాలల హక్కుల పరిరక్షణ కమిషన్ ఛైర్పర్సన్గా మాజీ ఎమ్మెల్యే

రాష్ట్ర బాలల హక్కుల పరిరక్షణ కమిషన్ ఛైర్ పర్సన్గా దేవరకద్ర మాజీ ఎమ్మెల్యే కొత్తకోట సీతా దయాకర్ రెడ్డి నియమితులయ్యారు. ఈ మేరకు ఆ శాఖ కార్యాలయంలో ఆమె బాధ్యతలు స్వీకరించారు. చిన్నచింతకుంట మండలం పర్కాపూర్ గ్రామానికి చెందిన దివంగత మాజీ ఎమ్మెల్యే కొత్తకోట దయాకర్ రెడ్డి సతీమణి మాజీ ఎమ్మెల్యే సీతా దయాకర్ రెడ్డి ఉస్మానియాలో MA సోషియాలజీ పూర్తి చేశారు. 2009లో దేవరకద్ర ఎమ్మెల్యేగా గెలుపొందారు.
News April 4, 2025
బర్డ్ ఫ్లూతో చిన్నారి మరణం.. రంగంలోకి కేంద్రం

AP: రాష్ట్రంలో బర్డ్ ఫ్లూతో <<15964152>>తొలి మరణం<<>> సంభవించడంతో కేంద్రం రంగంలోకి దిగింది. ఢిల్లీ, ముంబై, మంగళగిరి ఎయిమ్స్కు చెందిన పలువురు డాక్టర్లతో కలిసి అధ్యయనం చేయిస్తోంది. నరసరావుపేటలో రెండేళ్ల చిన్నారి ఎప్పుడు అనారోగ్యానికి గురైంది? ఎప్పుడు ఆస్పత్రిలో చేరింది? వైద్యులు ఎలాంటి చికిత్స అందించారు? అనే వివరాలను ఆ బృందం ఆరా తీసింది. చిన్నారి కుటుంబీకులు చికెన్ కొనుగోలు చేసిన దుకాణంలో శాంపిల్స్ సేకరించింది.
News April 4, 2025
తుర్కపల్లి: పంట పొలాలను పరిశీలించిన కలెక్టర్

తుర్కపల్లి మండలంలో కురిసిన అకాల వర్షాల వల్ల నష్టం జరిగిన పంట పొలాలను కలెక్టర్ హనుమంతరావు శుక్రవారం పరిశీలించారు. రైతులతో మాట్లాడి నష్టపోయిన పంటల వివరాలను తెలుసుకున్నారు. మామిడి తోటలకు తీవ్ర నష్టం వాటిలిందని రైతులు కలెక్టర్ దృష్టికి తీసుకువెళ్లారు. కాగా క్షేత్రస్థాయిలో పరిశీలించి పంట నష్టం వివరాలను అంచనా వేయాలని వ్యవసాయ అధికారులను ఆయన ఆదేశించారు.