News December 29, 2024
నిఘా నీడలో హైదరాబాద్!
మహా నగరంలో ఎలాంటి అవాంఛనీయ ఘటనలు జరగకుండా పోలీసులు పకడ్బందీ ఏర్పాట్లు చేస్తున్నారు. ముఖ్యంగా పబ్‌లు, బార్‌లు, రెస్టారెంట్స్‌పై ప్రత్యేక నిఘా పెట్టారు. ఈ నేపథ్యంలో బంజారాహిల్స్‌, ఉప్పల్‌, రాజేంద్రనగర్‌, గచ్చిబౌలి, రాయదుర్గం, నార్సింగి, ఫిల్మ్‌నగర్‌, సరూర్‌నగర్‌ పబ్‌లలో పోలీసులు సోదాలు నిర్వహించారు. వేడుకల పేరుతో డ్రగ్స్‌ వినియోగించకుండా చర్యలు తీసుకోవాలని యజమానులను ఆదేశించారు.
Similar News
News January 4, 2025
HYDకు వచ్చే మంచినీరు ఈ నదుల నుంచే..!
నగరానికి ప్రస్తుతం మంజీరా, సింగూరు, గోదావరి, కృష్ణా నుంచి నీటి సరఫరా జరుగుతోందని జలమండలి తెలిపింది. గోదావరి ఫేజ్-2 ద్వారా మరిన్ని నీటిని తరలించి ఉస్మాన్‌సాగ‌ర్‌, హిమాయత్‌సాగర్ వరకు తాగునీటి సరఫరాకు డిజైన్ చేసిన ప్రాజెక్టు రూపు దిద్దుకుంటుందని పేర్కొంది. మరోవైపు జలమండలి నూతన ప్రణాళికలు అమలు చేసేందుకు ఆదాయం పెంచడంపై దృష్టి సారించనుంది.
News January 4, 2025
HYDలో 13.79 లక్షల వాటర్ కనెక్షన్లు..!
ప్రస్తుతం HYD జనాభాకు సరిపడేలా తాగునీటి సరఫరా చేస్తున్నామని జలమండలి అధికారులు తెలిపారు. నీటి సరఫరాకు నగరంలో మొత్తం 9,800 కిలోమీటర్ల మేర డిస్ట్రిబ్యూషన్ నెట్‌వర్క్‌తో 13.79 లక్షల కనెక్షన్ల ద్వారా నీటి సరఫరా చేస్తున్నట్టు సీఎం సమావేశంలో అధికారులు వివరించారు. పలు అంశాలపై ఏజెన్సీలు, కన్సల్టెన్సీ‌లతో అధ్యయనం జరిపించనున్నారు.
News January 4, 2025
HYD: RRR భూ సేకరణ పూర్తి చేయండి: CM
HYD ORR చుట్టూ నిర్మించ తలపెట్టిన రీజినల్ రింగ్ రోడ్డు రాష్ట్ర మణిహారంగా సీఎం రేవంత్ రెడ్డి అభివర్ణించారు. భూసేకరణ ప్రక్రియను వీలైనంత త్వరగా పూర్తిచేయాలని అధికారులను ఆదేశించారు. RRR భూ సేకరణలో అటవీ భూముల్లో ఉన్న సమస్యలపై సంబంధిత మంత్రితో సమన్వయంతో ముందుకెళ్లాలని, ప్రత్యేక సమావేశంలో సీఎం తెలిపారు.