News June 8, 2024

నిజాంసాగర్: పిడుగు పడి గొర్రెల కాపరి మృతి

నిజాంసాగర్ మండలంలో శుక్రవారం విషాదం చోటుచేసుకుంది. కుటుంబీకులు తెలిపిన వివరాల ప్రకారం.. గోర్గల్ గ్రామానికి చెందిన కూర్మ కృష్ణమూర్తి(24) రోజు మాదిరిగ ఇంటి నుంచి గొర్రెలను వడ్డేపల్లి శివారులో నల్లగుట్ట అటవీ ప్రాంతంలో మేపడానికి వెళ్లాడు. తిరిగి వస్తున్న సమయంలో పిడుగు పడి చేతిలో పట్టుకున్న గొర్రె పిల్లతో పాటు ప్రాణాలు కోల్పోయాడని తెలిపారు. పోలీసులు ఘటనా స్థలానికి చేరుకొని పంచనామా నిర్వహించారు.