News February 20, 2025
నిజామాబాద్: ఆకాశవాణి ఎఫ్ఎమ్ కేంద్రాన్ని సందర్శించిన డిప్యూటీ డైరెక్టర్

నిజామాబాద్ ఆకాశవాణి ఎఫ్ఎమ్ కేంద్రాన్ని బుధవారం సాయంత్రం తెలంగాణ డివిజన్ డిప్యూటీ డైరెక్టర్ బానోత్ హరిసింగ్ సందర్శించారు. శ్రోతలకు ఇష్టమైన కార్యక్రమాలను రూపొందించి ప్రసారం చేయాలని సంబంధిత అధికారులకు సూచించారు. ఆకాశవాణి ఉద్యోగులతో సమావేశమై పలు అంశాలపై చర్చించారు. అసిస్టెంట్ ఇంజినీర్ వెంకట సుబ్బయ్య, ఇంజినీర్ కార్యక్రమాల నిర్వహణ, పరిపాలన సిబ్బంది, అధికారులు, పాల్గొన్నారు.
Similar News
News November 29, 2025
BOND పేపర్లకు భారీ డిమాండ్.. దోచుకుంటున్న వెండార్లు

పంచాయతీ ఎన్నికల వేళ ఉమ్మడి కరీంనగర్ జిల్లాలో బాండ్ పేపర్లకు భారీగా డిమాండ్ పెరిగింది. సర్పంచ్, వార్డు సభ్యుడిగా పోటీచేసే అభ్యర్థి తన ప్రతి నామినేషన్ సెట్తో రూ.100 బాండ్ పేపర్పై ఆఫిడవిట్ దాఖలు చేయాల్సి ఉండగా, పెరిగిన డిమాండ్ను ఆసరాగా చేసుకుని డాక్యుమెంట్స్ వెండార్లు ఒక్కో బాండ్ పేపర్కు రూ.50 నుంచి రూ.100 వరకు అదనంగా వసూలు చేస్తున్నారని సిరిసిల్ల జిల్లాకు చెందిన ఓ అభ్యర్థి ఆవేదన వ్యక్తం చేశాడు.
News November 29, 2025
వరంగల్: పంచాయతీలకు సొంత భవనాలు లేవు..!

గ్రామాలు పంచాయతీలుగా ఏర్పడి ఏళ్లు గడుస్తున్నా కార్యాలయాలకు మాత్రం సొంతభవనాలు లేవు. ఉమ్మడి వరంగల్లో కొన్నిచోట్ల ఉన్న సొంత భవనాలు శిథిలావస్థకు చేరగా, నూతనంగా ఏర్పడిన మరికొన్ని చోట్ల కార్యాలయాలకు భవనాలు లేవు. దీంతో పాలన అద్దె భవనాల్లో నిర్వహించాల్సి వస్తోంది. ప్రస్తుతం సర్పంచ్ అభ్యర్థులను ఎన్నుకునే సమయంలోనైనా కార్యాలయాలకు భవనాలు నిర్మించేలా చొరవ తీసుకునే వారిని ఎన్నుకోవాలని పలువురు కోరుతున్నారు.
News November 29, 2025
నాగార్జున సాగర్: అందాల కొండల మధ్య లాంచీ ప్రయాణం..!

నాగార్జునసాగర్ నుంచి శ్రీశైలం వరకు లాంచీ యాత్ర నేటి నుంచి ప్రారంభంకానుంది. భక్తులు, పర్యాటకుల నదీ ప్రయాణంతో మరోసారి సందడిగా మారనుంది. సుందరమైన కొండలు, అడవులు, కృష్ణా నదీ దృశ్యాలు ఆకట్టుకుంటున్నాయి. లాంచీలో భద్రత నియమాలను కట్టుదిట్టంగా అమలు చేస్తూ లైఫ్ జాకెట్లను తప్పనిసరి చేశారు. పర్యాటకుల కోసం ప్రత్యేక గైడ్లు, తాగునీరు, స్నాక్స్, ఫొటో పాయింట్లు ఏర్పాట్లతో ఉదయం బయలుదేరి వెళ్లనుంది.


