News May 1, 2024
నిజామాబాద్ జిల్లాకు ప్రియాంక లేదా రాహుల్ గాంధీ రాక?
లోకసభ ఎన్నికల ప్రచారానికి కాంగ్రెస్ పార్టీ అగ్ర నేతలైన ప్రియాంక గాంధీ లేదా రాహుల్ గాంధీలో ఎవరో ఒకరు నిజామాబాద్ జిల్లాకు రానున్నట్లు కాంగ్రెస్ వర్గాలు పేర్కొంటున్నాయి.
మే 7-8 తేదీల్లో జిల్లాలో ఎన్నికల ప్రచారం కోసం వారిలో ఒకరు వస్తారని ఏఐసీసీ వర్గాల నుంచి సమాచారం వచ్చిందంటున్నారు. ఈ మేరకు నిజామాబాద్, జగిత్యాల్ జిల్లాకు మధ్యలో ఉండే ఆర్మూర్లో భారీ బహిరంగ సభ ఏర్పాటు చేసే యోచనలో నేతలు ఉన్నారు.
Similar News
News January 13, 2025
మోపాల్: కారు బైక్ ఢీకొని మృతి చెందిన వ్యక్తి
కారు బైక్ ఢీకొని వ్యక్తి మృతి చెందిన ఘటన మోపాల్ మండలంలో ఆదివారం చోటు చేసుకుంది. మోపాల్ SI యాదగిరి గౌడ్ తెలిపిన వివరాల ప్రకారం.. బోర్గం(P) సంజీవరెడ్డికాలనీకి చెందిన విజయ్ కుమార్(48) మోపాల్ నుంచి ఇంటికి తిరిగి వెళ్తుండగా పెట్రోల్ బంక్ వద్ద కారు బలంగా ఢీకొట్టడంతో అక్కడికక్కడే మృతి చెందాడు. పోలీసులు ఘటనా స్థలానికి చేరుకుని మృతదేహాన్ని పోస్ట్‌మార్టం నిమిత్తం ప్రభుత్వ ఆసుపత్రికి తరలించారు.
News January 13, 2025
నిజామాబాద్ జిల్లా వాసికి కేంద్ర సాహిత్య అకాడమీ పురస్కారం
భూవనేశ్వర్‌లోని ఉత్కల్ విశ్వవిద్యాలయంలో 2024 సంవత్సరానికి కేంద్ర సాహిత్య అకాడమీ యువ పురస్కారాలను అందజేశారు. ముఖ్య అతిథిగా ఆంగ్ల కవి, రచయిత జెర్రీ పింటో హాజరయ్యారు. తెలుగు భాష నుంచి నిజామాబాద్ జిల్లా జక్రాన్‌పల్లికి చెందిన రమేశ్ కార్తీక్ నాయక్ తన తొలి కథల సంపుటి ‘ఢావ్లో- గోర్ బంజారా కథలు’ పుస్తకానికి అవార్డు అందుకున్నారు. ఈ పురస్కారం అందుకున్న తొలి గిరిజన తెలుగు రచయిత కావడం విశేషం.
News January 13, 2025
NZB: వైద్యులకు టోకరా వేసిన నిందితుడి అరెస్ట్
బ్యాంకుల్లో తీసుకున్న లోన్లను సెటిల్మెంట్ చేస్తానని చెప్పి వైద్యులకు టోకరా వేసిన ఓ ఘరానా మోసగాడిని అరెస్ట్ చేసినట్లు నిజామాబాద్ వన్ టౌన్ SHO రఘుపతి ఆదివారం తెలిపారు. కుత్బుల్లాపూర్‌కు చెందిన బంగారు అప్పారావు(30) నిజామాబాద్‌కు చెందిన ఓ వైద్యుడి బ్యాంకు లోన్ సెటిల్మెంట్ చేయిస్తానని నమ్మించి రూ.15 లక్షలు, కోరుట్లకు చెందిన మరో వైద్యుడికి రూ.60 లక్షలు, మోర్తాడ్ వైద్యుడికి రూ.12 లక్షలు మోసం చేశాడన్నారు.