News January 23, 2025
నిజామాబాద్: బడారాంమందిర్ గోశాలలో అగ్నిప్రమాదం
నిజామాబాద్ గాజుల్పేట్ బడా రాంమందిర్ గోశాలలో అగ్నిప్రమాదం చోటు చేసుకుంది. గురువారం మధ్యాహ్నం ఆలయం పక్కనే ఆవుల కోసం నిల్వ ఉంచిన గడ్డికి అకస్మాత్తుగా మంటలు అంటుకున్నాయి. క్షణాల్లోనే గడ్డివాము పూర్తిగా దగ్ధమైంది. కాలనీవాసులు వెంటనే స్పందించి మంటలు ఆర్పే ప్రయత్నం చేశారు. అనంతరం అగ్నిమాపక కేంద్రానికి సమాచారం అందించగా వారు స్పందించి మంటలను ఆర్పివేశారు.
Similar News
News November 29, 2025
NZB: మరణించిన 12 ఏళ్ల తర్వాత రూ.9.42 లక్షల పరిహారం
2013లో ప్రమాదవశాత్తు మరణించిన డిగ్రీ విద్యార్థి కుటుంబానికి ఎట్టకేలకు తెలంగాణ ప్రభుత్వం నుంచి ఉపశమనం లభించింది. భైంసాకు చెందిన చంద్రకాంత్ 12 సంవత్సరాల క్రితం NZBలోని BC హాస్టల్‌లోని 4వ అంతస్తు నుంచి పడిపోయాడు. తండ్రి పరుశురామ్ పరిహారం కోసం కోర్టులకు వెళ్లగా బాధిత కుటుంబానికి అనుకూలంగా హైకోర్టు తీర్పు ఇచ్చింది. బీసీ సంక్షేమ శాఖ రూ.9.42 లక్షలు పరిహారం చెల్లించాలని ఆదేశించింది.
News November 29, 2025
NZB: మొదటి విడత నామినేషన్లకు నేడే ముగింపు
గ్రామ పంచాయతీ ఎన్నికల మొదటి విడత పోరులో నామినేషన్ల స్వీకరణకు శనివారం సాయంత్రం 5 గంటలతో గడువు ముగియనుంది. జిల్లాలో మొదటి విడతలో బోధన్ డివిజన్‌లోని 184 జీపీలు, 1,642 వార్డు స్థానాలకు పోటీ జరగనుంది. దీనికి సంబంధించి రెండు రోజుల్లో సర్పంచ్ స్థానాలకు 304, వార్డు స్థానాలకు 382 నామినేషన్లు వచ్చాయి. నేడు నామినేషన్ల స్వీకరణ గడువు ముగియనున్న క్రమంలో భారీగా దరఖాస్తులు వచ్చే అవకాశాలు ఉన్నాయి.
News November 29, 2025
నిజామాబాద్: పరీక్షా కేంద్రాల వద్ద 163 సెక్షన్
డిప్లొమా ఇన్ ఎలిమెంటరీ ఎడ్యుకేషన్ ఫస్ట్ ఇయర్ పరీక్షల నేపథ్యంలో నిజామాబాద్ సబ్ డివిజన్ పరీక్షా కేంద్రాల వద్ద డిసెంబర్ 1 నుంచి 6వ తేదీ వరకు ఉదయం 8గం.ల నుంచి మధ్యాహ్నం 1 గం. వరకు బీఎన్ఎస్ సెక్షన్ 163 అమలు చేయనున్నట్లు సీపీ సాయిచైతన్య తెలిపారు. పరీక్షా కేంద్రాల వద్ద గుమిగూడరాదని, నిషేధిత వస్తువులతో పరీక్షా కేంద్రాల వద్ద తిరగవద్దని సీపీ సూచించారు.