News August 12, 2024

నిద్ర చేయడానికి వచ్చి ఏడుపాయల చెక్ డ్యాంలో మృతి

ఏడుపాయల చెక్ డ్యాంలో మునిగి ఓ వ్యక్తి మృతి చెందాడు. సంగారెడ్డి జిల్లా బుదేరాకు చెందిన చాకలి గోపాల్(44) కూలీ పనులు చేసుకుంటూ కుటుంబాన్ని పోషిస్తున్నాడు. అతడి నాయనమ్మ చనిపోవడంతో నిద్ర చేయడం కోసం శనివారం ఏడుపాయలకు వచ్చారు. ఆదివారం ఉదయం స్నానం చేసేందుకు చెక్ డ్యాం వద్దకు వెళ్లిన గోపాల్ ప్రమాదవశాత్తు నీట మునిగి చనిపోయాడు. పోలీసులకు సమాచారం ఇవ్వగా వచ్చి మృతదేహాన్ని వెలికి తీశారు. ఘటనపై కేసు నమోదైంది.