News February 23, 2025
నిర్మల్: ఎన్నికల విధులు నిర్వహించే అధికారులు అప్రమత్తంగా ఉండాలి: కలెక్టర్
ఎమ్మెల్సీ ఎన్నికల విధులు నిర్వహించే అధికారులంతా తమ విధుల పట్ల తప్పనిసరిగా అవగాహన కలిగి ఉండాలని జిల్లా కలెక్టర్ అభిలాష అభినవ్ తెలిపారు. ఉపాధ్యాయ, పట్టభద్రుల ఎమ్మెల్సీ ఎన్నికల విధులు నిర్వహించే అధికారులకు ఏర్పాటు చేసిన శిక్షణ కార్యక్రమంలో కలెక్టర్ పాల్గొన్నారు. మాస్టర్ ట్రైనర్లు అధికారులకు ఎన్నికల ముందు, ఎన్నికల సమయంలో, ఎన్నికల తర్వాత నిర్వహించవలసిన విధులపై అధికారులకు శిక్షణ ఇచ్చారు.
Similar News
News March 17, 2025
అనారోగ్యంతో సీనియర్ నటి కన్నుమూత
దీర్ఘకాలిక వ్యాధులతో బాధపడుతున్న సీనియర్ నటి బిందు ఘోష్ కన్నుమూశారు. చెన్నైలో నిన్న తుదిశ్వాస విడువగా ఇవాళ అంత్యక్రియలు జరిగాయి. 1982లో తమిళ సినిమా ‘కోళీ కూవుతు’తో కెరీర్ మొదలెట్టి తెలుగులో ‘దొంగ కాపురం, పెళ్లి చేసి చూడు, ప్రాణానికి ప్రాణం’ తదితర సినిమాల్లో నటించారు. 300 పైగా సినిమాల్లో నటించిన ఆమె అనారోగ్య, ఆర్థిక సమస్యలతో ఇబ్బంది పడుతూవచ్చారు. <<15773373>>ఆమె<<>> భారీగా బరువు తగ్గడంపైనా గతవారం కథనాలు వచ్చాయి.
News March 17, 2025
సిRAW: నా బూతే నా భవిష్యత్తు
ఒకప్పుడు హాస్యం వినసొంపుగా మనసుకి ఆహ్లాదం కలిగించేది. క్రమంగా ద్వంద్వ అర్థాలతో నవ్వించడం మొదలుపెట్టి ఇప్పుడు బూతే నవ్విస్తోంది, నడిపిస్తోంది. కొన్ని టీవీ షోలు, సినిమాలు వెగటు కామెడీతో వెళ్లదీస్తుంటే రాజకీయ నేతల నోటా ఈ రోతలే వినిపిస్తున్నాయి. ‘న భూతో న భవిష్యతి’ కాస్తా ‘నా బూతే నా భవిష్యత్తు’ అనేలా మారింది. పిల్లల్ని ఈ వికృత సంస్కృతికి దూరంగా పెంచకపోతే రేపు బూతే సుభాషితం కావొచ్చు.
News March 17, 2025
యాదాద్రి: మట్టిలో మాణిక్యం ఆ యువకుడు..!
అది జాన పదమైనా.. సినిమా పాటైనా.. ఆ పేదింటి బిడ్డ పాడితే వినేవారు పరవశించి పోతారు.. యాదాద్రి(D), ఆత్మకూరు.m(M), కొరిటకల్‌కు చెందిన చింత గణేశ్, గాయత్రి దంపతుల కుమారుడు చింత వెంకటేశ్ ప్రస్తుతం డిగ్రీ చదువుతూ గాయకుడిగా రాణిస్తున్నాడు. ఇటీవల ఒకే వేదికపై ఏకధాటిగా 16 గంటలపాటు 10 భాషల్లో నిర్విరామంగా పాటలు పాడి శభాష్ అనిపించుకున్నాడు. వండర్, జీనియస్, రాయల్ బుక్ ఆఫ్ రికార్డ్స్‌ను సొంతం చేసుకున్నాడు.