News September 4, 2024
నెల్లూరు ఆర్టీసీలో పసికందు

పొత్తిళ్లలో ఉండాల్సిన బాలుడిని బస్టాండులో వదిలేసి వెళ్లిన ఘటన నెల్లూరులో జరిగింది. మంగళవారం రాత్రి బస్సు కోసం ఎదురు చూస్తున్న ఇద్దరు విద్యార్థులకు ఓ మహిళ పసికందును అప్పగించి బాత్రూంకి వెళ్లి వస్తానని చెప్పి అటునుంచి అటే వెళ్లిపోయింది. ఎంత సేపటికీ రాకపోవడంతో విద్యార్థులు ఆ బిడ్డను ఆర్టీసీ డీఎం, ఓ లాయర్ సహాయంతో శిశు గృహానికి తరలించారు. ఘటనకు సంబంధించి పూర్తి వివరాలు తెలియాల్సి ఉంది.
Similar News
News November 30, 2025
నెల్లూరు: రైతులను భయపెడుతున్న తుఫాను..!

తుఫాన్ ప్రభావంతో రైతులు తీవ్రమైన ఆర్థిక నష్టం, పంట నష్టాలు ఎదుర్కొంటున్నారు. ముఖ్యంగా వరి, పత్తి, ధాన్యం పంటలకు భారీగా నష్టం కలుగుతోంది. వర్షాలు, గాలులతో పంటలు తడిసిపోవడం, నేలకొరగడం లాంటి సమస్యలు ఇబ్బంది పెట్టుతున్నాయి. కావలిలో మొంథా తుఫానుతో చెరువులన్నీ నిండిపోయాయి. రైతులు వరి నాట్లు వేస్తున్నారు. ఇప్పుడు దిత్వా తుపాన్ హెచ్చరికలతో నష్టపోవాల్సి వస్తుందని రైతులు భయపడుతున్నారు.
News November 30, 2025
నెల్లూరు జిల్లాలోని కాలేజీలకు కూడా సెలవు

తుఫాన్ హెచ్చరికల నేపథ్యంలో నెల్లూరు జిల్లాలోని అన్ని జూనియర్ కాలేజీలకు సోమవారం సెలవు ప్రకటించినట్లు RIO వరప్రసాద్ తెలిపారు. జాయింట్ కలెక్టర్ ఆదేశాల మేరకు జిల్లాలోని అన్ని ప్రభుత్వ, ప్రైవేట్ జూనియర్ కళాశాలలు సెలవు ప్రకటించాలని స్పష్టం చేశారు. ఆదేశాలకు విరుద్ధంగా కళాశాల యాజమాన్యాలు వ్యవహరిస్తే చట్టపరమైన చర్యలు తీసుకుంటామని హెచ్చరించారు. అంగన్వాడీలు, స్కూళ్లకు ఇప్పటికే సెలవు ఇచ్చిన విషయం తెలిసిందే.
News November 30, 2025
నెల్లూరు జిల్లా స్కూళ్లకు రేపు సెలవు

తుఫాన్ హెచ్చరికల నేపథ్యంలో నెల్లూరు జిల్లాలోని అన్ని పాఠశాలలకు విద్యాశాఖ సోమవారం సెలవు ప్రకటించింది. అన్ని ప్రభుత్వ, ప్రైవేట్ స్కూళ్లకు సెలవు ఇచ్చేలా DyEOs, MEOs, HMs అందరూ చర్యలు తీసుకోవాలని డీఈవో బాలాజీ రావు ఆదేశించారు. నెల్లూరులో సోమవారం జరగాల్సిన PGRS కూడా రద్దు చేశారని తెలిపారు.


