News June 13, 2024
నెల్లూరు జిల్లాకు ఎన్ని పోస్టులు వస్తాయో..?
మెగా DSCపై చంద్రబాబు తొలి సంతకం చేసిన సంగతి తెలిసిందే. ఈక్రమంలో నెల్లూరు జిల్లా నిరుద్యోగుల్లో ఆశలు చిగురిస్తున్నాయి. జిల్లా పరిధిలో 3,200కు పైగా టీచర్ల పోస్టులు ఖాళీగా ఉన్నట్లు తెలుస్తోంది. HM పోస్టులు 100, SGT పోస్టులు 1500కు పైగా భర్తీ చేయాల్సి ఉంది. తాజాగా 16,347 పోస్టులకు చంద్రబాబు ఓకే చెప్పడంతో నెల్లూరు జిల్లాకు ఎన్ని పోస్టులు కేటాయిస్తారనేది ఆసక్తికరంగా మారింది. త్వరలోనే క్లారిటీ రానుంది.
Similar News
News September 13, 2024
నెల్లూరు డీఆర్డిఏ ఉద్యోగులకు బదిలీల కౌన్సెలింగ్
ఇవాళ ఉమ్మడి నెల్లూరు జిల్లాలోని 46 మండలాల సీసీ, ఎమ్మెస్ సీసీలకు డీఆర్డీఏ పీడీ సాంబశివా రెడ్డి కౌన్సెలింగ్ నిర్వహించారు. ముందుగా 5 సంవత్సరాలు ఒకే మండలంలో పనిచేసిన సిబ్బందికి నియోజకవర్గం వారీగా కౌన్సిలింగ్ నిర్వహించి పోస్టింగ్లు కేటాయించారు. మధ్యాహ్నం రిక్వెస్ట్ పెట్టిన ఉద్యోగులకు కౌన్సెలింగ్ నిర్వహిస్తారని అసోసియేషన్ సభ్యులు తెలిపారు.
News September 13, 2024
చిల్లకూరు: మామిడి తోటలో మృతదేహం లభ్యం
చిల్లకూరు మండల పరిధిలోని చేడిమాల-తొణుకుమాల గ్రామాల మధ్య ఓ మామిడి తోటలో కాపలాదారు ఒక వ్యక్తి మృతదేహం గురువారం బయట పడింది. ఎస్ఐ సురేశ్ బాబు మాట్లాడుతూ.. మామిడి తోట కాపలాదారులు కనబడటంలేదని, మామిడి తోట యజమాని ఫిర్యాదు చేశారన్నారు. తోటను పరిశీలించడంతో మట్టి పూడ్చిన విషయం గమనించి తవ్వడంతో మృతదేహం బయట పడినట్లు ఆయన తెలిపారు. కేసు నమోదు చేసి దర్యాప్తు ప్రారంభించినట్లు ఎస్ఐ తెలిపారు.
News September 13, 2024
నెల్లూరు: టీడీపీలోకి వైసీపీ కార్పొరేటర్లు
నెల్లూరు కార్పొరేషన్లోని పలువురు కార్పొరేటర్లు నేడో, రేపో టీడీపీలో చేరనున్నట్లు సమాచారం. కొందరు కార్పొరేటర్లు గురువారం మంత్రి నారాయణ సన్నిహితుడు విజయభాస్కర్ రెడ్డిని కలిశారు. ముజీర్, పి.వెంకటేశ్వర్లురెడ్డి, సంక్రాంతి కల్యాణ్, కర్తం ప్రతాప్ రెడ్డి, వందవాసి రంగా, కాయల సురేశ్ వీబీఆర్ను కలిసిన వారిలో ఉన్నారు. మొదటి విడతలో 16 మంది చేరికకు రంగం సిద్ధమైంది. మిగతా 27 మంది కూడా టీడీపీలో చేరే అవకాశం ఉంది.