News February 3, 2025
నెల్లూరు: నేడే ఎన్నిక.. క్షణం క్షణం ఉత్కంఠ
నెల్లూరు నగర డిప్యూటీ మేయర్ ఎన్నికకు రంగం సిద్ధమైంది. ఈ పదవి కోసం టీడీపీ, వైసీపీ నువ్వా నేనా అన్న విధంగా పోటీ పడుతున్నారు. గెలుపు కోసం అటు మంత్రి పొంగూరు నారాయణ, ఇటు కాకాణి వ్యూహాత్మకంగా పావులు కదుపుతున్నారు. కాగా ఇటీవల వైసీపీ నుంచి 41 మంది కార్పొరేటర్లు టీడీపీలోకి మారినట్లు సమాచారం. కాగా నెల్లూరులో మొత్తం 54 కార్పొరేటర్లు ఉండగా ఒకరు రాజీనామా చేయడంతో 53 మంది తమ ఓటు హక్కును వినియోగించుకోనున్నారు.
Similar News
News December 21, 2025
నెల్లూరు ప్రజలకు గమనిక
నెల్లూరు కలెక్టరేట్లో సోమవారం PGRS కార్యక్రమంలో భాగంగా ప్రజల నుంచి ఫిర్యాదులను స్వీకరించనున్నట్లు కలెక్టర్ హిమాన్షు శుక్లా తెలిపారు. అర్జీదారులు తమ ఫిర్యాదులను అధికారిక వెబ్సైట్ meekosam.ap.gov.in ద్వారా నమోదు చేసుకోవచ్చని సూచించారు. అర్జీల స్థితిగతులు, తదితర వివరాల కోసం 1100 కాల్ సెంటర్ను సంప్రదించవచ్చని ఆయన పేర్కొన్నారు.
News December 21, 2025
నెల్లూరు TDPలో BCల హవా..!
పార్టీ ఏదైనా నెల్లూరు రాజకీయాల్లో రెడ్డి సామాజికవర్గ నేతలు కీలకంగా వ్యవహరిస్తుంటారు. TDP ట్రెండ్ మార్చి బీసీలకు ప్రాధాన్యమిస్తోంది. TDP జిల్లా అధ్యక్ష పదవికి పెళ్లకూరు శ్రీనివాసుల రెడ్డి, వేమిరెడ్డి పట్టాభిరామిరెడ్డి మరికొందరు గట్టిగా ప్రయత్నించారు. కానీ MLC బీద రవిచంద్రకు మూడోసారి ఈ పదవిని అప్పగించారు. నెల్లూరు ఇన్ఛార్జ్ మేయర్గా రూప్ కుమార్, రాజ్యసభ ఎంపీగా బీద మస్తాన్ రావు ఉన్న విషయం తెలిసిందే.
News December 21, 2025
TDP నెల్లూరు జిల్లా బాస్గా బీద రవిచంద్ర
అందరూ ఊహించినట్లే టీడీపీ నెల్లూరు జిల్లా అధ్యక్షుడిగా బీద రవిచంద్ర నియమితులయ్యారు. జిల్లా ప్రధాన కార్యదర్శిగా చేజర్లు వెంకటేశ్వర్లు రెడ్డికి అవకాశం ఇచ్చారు. జిల్లా అధ్యక్ష పదవికి పలువురు పోటీపడ్డారు. ఓ ఎమ్మెల్యే తన కుటుంబ సభ్యులకు అధ్యక్ష పదవి ఇప్పించేందుకు ప్రయత్నం చేశారు. మరికొందరు ద్వితీయ శ్రేణి నాయకులు సైతం పోటీపడగా.. బీదకే టీడీపీ అధిష్ఠానం అవకాశం దక్కింది.