News July 9, 2024
నెల్లూరు: బస్సు డ్రైవర్‌కి మూర్ఛ.. ఐదు కార్లను ఢీకొన్న స్కూల్ బస్సు
నెల్లూరులో రోడ్డు ప్రమాదం జరిగింది. నెల్లూరు నగరంలోని అయ్యప్పగుడి నుంచి మినీ బైపాస్‌కు ఫ్లైఓవర్ మీదుగా ఓ పాఠశాల బస్సు వెళ్తోంది. ఫ్లైఓవర్ దిగగానే బస్సు డ్రైవరుకు మూర్ఛ వచ్చింది. ఈక్రమంలో అదుపుతప్పి రోడ్డు పక్కన పార్కింగ్ చేసిన ఐదు కార్లను వెనువెంటనే ఢీకొంది. బస్సులో ఉన్న ఓ మహిళ కిందపడిపోయారు. స్థానికులు డ్రైవరును ఆసుపత్రికి తరలించారు. దెబ్బతిన్న కార్లలోనూ ఎవరూ లేకపోవడంతో పెద్ద ప్రమాదమే తప్పింది.
Similar News
News October 11, 2024
సింహపురి యూనివర్సిటీలో స్పాట్ అడ్మిషన్లకు గడువు పొడిగింపు
విక్రమ సింహపురి యూనివర్సిటీలో ఐసెట్ స్పాట్ అడ్మిషన్ల గడువును ఈనెల 15వతేదీ వరకు పొడిగించినట్లు వర్శిటీ అడ్మిషన్స్ డైరెక్టర్లు డాక్టర్ హనుమారెడ్డి, డాక్టర్ ఎస్.బి సాయినాథ్ ఒక ప్రకటనలో తెలిపారు. స్పాట్ అడ్మిషన్ లో సీటు పొందేందుకు ఐసెట్- 2024 క్వాలిఫై అయిన అభ్యర్థులు మాత్రమే అర్హులన్నారు. మరింత సమాచారం కోసం వీఎస్ యూలోని డీవోఏ కార్యాలయంలో సంప్రదించాలన్నారు.
News October 11, 2024
సూళ్లూరుపేట: ఆ 4 షాపులకు ఒక్కో అప్లికేషన్
నూతన పాలసీ ప్రకారం తిరుపతి జిల్లా సూళ్లూరుపేట పట్టణంలో 14 వైన్ షాపులు ఏర్పాటు కానున్నాయి. ఇప్పటి వరకు కేవలం 27అప్లికేషన్లే వచ్చాయి. షాపు నంబర్ 175, 182, 183, 187కు కేవలం ఒక్కో దరఖాస్తు మాత్రమే దాఖలైంది. సాయంత్రంలోగా వీటికి మరెవరూ అప్లికేషన్ పెట్టుకోకపోతే లాటరీ అవసరం లేకుండా వీరికే షాపులు దక్కే అవకాశం ఉంది. అదృష్టాన్ని చెక్ చేసుకోవడానికి ఎవరైనా చివరి నిమిషంలో దరఖాస్తు పెడితే ఇక్కడ లాటరీ తప్పనిసరి.
News October 10, 2024
టాటా మృతి దేశానికి తీరని లోటు: మంత్రి నారాయణ
ప్రముఖ పారిశ్రామికవేత్త రతన్ టాటా బుధవారం రాత్రి అనారోగ్యంతో మృతి చెందిన విషయం తెలిసిందే. ఆయన మృతిపై మంత్రి నారాయణ దిగ్ర్భాంతి చెందారు. ఆయన మాట్లాడుతూ.. కేవలం పారిశ్రామికవేత్తగా మాత్రమే కాకుండా ఉన్నతమైన విలువలు కలిగిన వ్యక్తి టాటా అన్నారు. ఆయన ఆత్మకు శాంతి చేకూరాలని మంత్రి భగవంతుని వేడుకున్నారు.