News June 6, 2024
నెల్లూరు: రికార్డు తిరగరాసిన ఎమ్మెల్యే
సూళ్లూరుపేట ఎమ్మెల్యేగా గెలిచిన నెలవల విజయశ్రీ రికార్డు సృష్టించారు. సూళ్లూరుపేట నియోజకవర్గంలో ఇప్పటి వరకు ఓ మహిళ ఎమ్మెల్యేగా గెలిచింది లేదు. ఈ ఎన్నికల్లో కిలివేటి సంజీవయ్యపై 29115 ఓట్ల మెజారిటీతో గెలిచి ఆ రికార్డును నెలవల విజయశ్రీ తిరగరాశారు. అయితే సూళ్లూరుపేటలో 1962 నుంచి 2024 వరకు ఎన్నికలు జరిగగా..1983లో మైలరీ లక్ష్మీకాంతమ్మ, 2009లో విన్నమాల సరస్వతి కాంగ్రెస్ తరఫున పోటీ చేసి ఓడి పోయారు.
Similar News
News November 30, 2025
13న నెల్లూరు జడ్పీ సర్వసభ్య సమావేశం
నెల్లూరు జిల్లా పరిషత్ సర్వసభ్య సమావేశం డిసెంబర్ 13వ తేదీన ఉదయం 10:30 గంటలకు నిర్వహిస్తున్నట్లు సీఈవో శ్రీధర్ రెడ్డి ఓ ప్రకటనలో తెలిపారు. ఛైర్‌పర్సన్ ఆనం అరుణమ్మ అధ్యక్షతన జరిగే సమావేశంలో వ్యవసాయ, నీటిపారుదల, వైద్య ఆరోగ్యశాఖ, సాంఘిక సంక్షేమంపై చర్చిస్తారన్నారు. 2026-27 బడ్జెట్ అంచనాలపైనా చర్చ జరుగుతుందన్నారు.
News November 30, 2025
తెరపైకి దక్షిణ నెల్లూరు జిల్లా..!
స్లాంగ్, కల్చర్‌కు పూర్తి విభిన్నంగా ఉండే గూడూరును తిరుపతి జిల్లాలో కలిపారు. రాపూరు, కలువాయి, సైదాపురం సైతం ఇదే జిల్లాలో విలీనం చేయడాన్ని స్థానికులు వ్యతిరేకిస్తున్నారు. ‘రాయలసీమ వద్దు.. నెల్లూరు ముద్దు’ అనే నినాదంతో సోషల్ మీడియా వేదికగా ఉద్యమిస్తున్నారు. నెల్లూరులో కలిపి వీలు లేకుంటే.. గూడూరు కేంద్రంగా దక్షిణ నెల్లూరు జిల్లా ఏర్పాటు చేయాలని డిమాండ్‌ను అక్కడి ప్రజలు తెరపైకి తెచ్చారు.
News November 30, 2025
సైబర్ నేరాలు తగ్గేందుకు కృషి చెయ్యాలి : SP అజిత
సైబర్ నేరాలను తగ్గించేందుకు బ్యాంకర్లు తమకు సహకరించాలని SP అజిత కోరారు. జిల్లాలోని బ్యాంకు మేనేజర్లు, కోఆర్డినేటర్లతో ఆమె సమన్వయ సమావేశం నిర్వహించారు. ప్రస్తుతం పెరుగుతున్న సైబర్ నేరాలను తగ్గించే విధానం, బ్యాంకులు ప్రజలకు ఎలా అవగాహన కల్పించాలి అనే దానిపై చర్చించారు. జిల్లాలోని ప్రజల ఆర్థిక రక్షణ కోసం పోలీస్ మరియు బ్యాంకులు కలిసి పనిచేయాల్సిన అవసరం ఎక్కువైందన్నారు.