News January 14, 2025
నెల్లూరు: వేర్వేరు ప్రమాదాల్లో ఆరుగురి మృతి
వేర్వేరు ప్రమాదాల్లో ఆరుగురు మృతిచెందిన ఘటన నెల్లూరుజిల్లాలో చోటుచేసుకుంది. వెంకటాచలంలో జరిగిన రోడ్డుప్రమాదంలో ఇందుకూరుపేట(M), లేబూరుకు చెందిన కాలేషా(45), అతని కొడుకు హమీద్(12) మృతి చెందారు. మనుబోలులో జరిగిన రోడ్డుప్రమాదంలో సైదాపురం(M), గంగదేవిపల్లికి చెందిన సుబ్బయ్య(34), శంకరయ్య(39)దుర్మరణం చెందారు. గుడ్లూరులో జరిగి రోడ్డుప్రమాదంలో రాపూరుకు చెందిన వెంకటేశ్వర్లు(60), హార్దిక రాజ్(4) మరణించారు.
Similar News
News November 30, 2025
నెల్లూరు జిల్లాకు రెడ్ అలర్ట్.!
నెల్లూరు జిల్లాకు దిత్వా తుఫాన్ నేపథ్యంలో వాతావరణ శాఖ రెడ్ అలర్ట్ జారీ చేసింది. ఇప్పటికే జిల్లాలోని పలు ప్రాంతాల్లో మోస్తరు వర్షాలు కురుస్తున్నాయి. రేపు ఈదురు గాలులతో కూడిన భారీ వర్షం కురిసే అవకాశం ఉన్నట్లు ప్రకటించింది. భారీ వృక్షాల వద్ద నిలబడరాదని, పాత భవనాల్లో ఉండే ప్రజలు సురక్షిత ప్రాంతాలకు చేరాలని అధికారులు సూచించారు. ప్రకాశం జిల్లాలో కూడా RED అలర్ట్ ప్రకటించిన విషయం తెలిసిందే.
News November 30, 2025
NLR: 7న జాతీయ ఉపకార వేతన అర్హత పరీక్ష
2025-26కు సంబంధించిన జాతీయ ఉపకార వేతనం అర్హత పరీక్షకు డిసెంబర్ 7న నిర్వహిస్తున్నట్లు నెల్లూరు DEO డాక్టర్ ఆర్.బాలాజీ రావు ఓ ప్రకటనలో తెలిపారు. జిల్లాలో 18 కేంద్రాలు ఏర్పాటు చేశామని.. 3,685 మంది విద్యార్థులు పరీక్షకు హాజరవుతారని చెప్పారు. పరీక్ష ఉదయం 10 గంటల నుంచి మధ్యాహ్నం ఒంటిగంట వరకు నిర్వహిస్తామన్నారు. HMలు పాఠశాల యుడైస్ ఉపయోగించి హాల్ టికెట్లు డౌన్లోడ్ చేసుకోవాలన్నారు.
News November 30, 2025
గంజాయి కేసులో హత్య కేసు నిందితురాలు కామాక్షి అరెస్ట్
సీపీఎం కార్యకర్త పెంచలయ్య దారుణ హత్య కేసులో కీలక నిందితురాలు అరవ కామాక్షిని పోలీసులు గంజాయి కేసులో ఆదివారం అరెస్టు చేశారు. బోడి గాడి తోటలోని కామాక్షి నివాసంలో పోలీసులు తనిఖీలు చేపట్టగా.. అక్కడ 25 కేజీల గంజాయిని గుర్తించి సీజ్ చేశారు. నవాబుపేట పోలీస్‌స్టేషన్లో జరిగిన మీడియా సమావేశంలో DSP మాట్లాడుతూ.. గంజాయి కేసులో కామాక్షిని అరెస్టు చేశామన్నారు.