News May 11, 2024

నెల్లూరు: ‘సెలవు ఇవ్వకపోతే కాల్ చేయండి’

image

దుకాణాలు, హోటళ్లు, సినిమా హాళ్లు, వాణిజ్య సంస్థలు, కర్మాగారాల్లో పనిచేసే కార్మికులకు పోలింగ్ రోజు వేతనంతో కూడిన సెలవును మంజూరు చేసినట్లు కార్మిక శాఖ గుంటూరు జోన్ సంయుక్త కమిషనర్ శ్రీనివాస కుమార్ తెలిపారు. ఈ విషయంలో కార్మికులతో పాటు యజమానులకు ఏమైనా సమస్యలు ఉంటే 94925 55145 నంబరుకు ఫోన్ చేయాలని సూచించారు.

Similar News

News February 11, 2025

నెల్లూరు: తల్లిని కాపాడబోయి వాగులో మునిగి యువకుడి మృతి

image

అనంతసాగరం మండలం శంకర్ నగరం గ్రామం వద్ద కొమ్మలేరు వాగులో మునిగి ఉప్పలపాటి ఆకాష్ అనే యువకుడు మృతి చెందాడు. వాగు సమీపంలో గడ్డి కోసేందుకు వెళ్లిన తల్లి వాగులో పడిపోగా ఆమెను కాపాడేందుకు ప్రయత్నించి వాగులో మునిగి ఆకాశ్ మృతి చెందాడు. కళ్లముందే కొడుకు వాగులో మునిగి చనిపోవడంతో తల్లి, కుటుంబసభ్యులు కన్నీరు మున్నీరుగా విలపించారు. బీటెక్ చదివిన ఆకాశ్ మృతి చెందడంతో శంకర్ నగరం గ్రామంలో విషాదఛాయలు అలుముకున్నాయి.

News February 11, 2025

మోసపూరిత SMSలపై అప్రమత్తంగా ఉండాలి: నెల్లూరు SP

image

వివిధ బ్యాంకుల పేర్లతో వచ్చే మోసపూరిత SMSల విషయంలో ప్రజలు జాగ్రత్తగా ఉండాలని నెల్లూరు SP జి.కృష్ణకాంత్ సోమవారం సూచించారు. బ్యాంకుల పేర్లతో పంపిస్తున్న అప్లికేషన్లను ఇన్‌స్టాల్ చేయొద్దని సూచించారు. సైబర్ నేరగాళ్లు బ్యాంకుల పేరుతో SMSలు పంపి వలవేస్తారని అన్నారు. ప్రజలు వారి వలలో చిక్కుకోకుండా అప్రమత్తంగా ఉండాలన్నారు.

News February 11, 2025

ప్రజలకు అవగాహన కల్పించాలి: నెల్లూరు కలెక్టర్

image

నెల్లూరు జిల్లా కలెక్టర్ ఆనంద్ సోమవారం సాయంత్రం కలెక్టరేట్‌లోని సమావేశ ప్రాంగణంలో మున్సిపల్ కమిషనర్లు, ఎంపీడీవోలతో వీడియో కాన్ఫరెన్స్ నిర్వహించారు. ఈ సందర్భంగా ఆయన మాట్లాడుతూ.. ప్రభుత్వ ఆదేశాల మేరకు ప్రతినెలా మూడవ శనివారం అన్నిశాఖల అధికారులు స్వచ్ఛాంధ్ర కార్యక్రమాలపై ప్రత్యేక శ్రద్ధపెట్టాలన్నారు. పీఎం సూర్యఘర్‌ యోజన పథకంపై ప్రజలకు పూర్తిస్థాయిలో అవగాహన కల్పించాలన్నారు.

error: Content is protected !!