News September 1, 2024
నెల్లూరు: 24 మంది ASI (సివిల్)లకు SI లుగా పదోన్నతి
నెల్లూరు జిల్లాలో పని చేస్తున్న 24 మంది ASI (సివిల్)లకు SI లుగా పదోన్నతి కల్పిస్తూ జిల్లా ఎస్పీ జి కృష్ణ కాంత్ ఉత్తర్వులు జారీ చేశారు. సిబ్బంది సంక్షేమం, శాఖాపరమైన సౌకర్యాల పరంగా పోలీస్ శాఖలో ఖాళీల ఆధారంగా పదోన్నతులు కల్పిస్తూ ఈ ఉత్తర్వులు జారీ చేసినట్లు తెలిపారు. పదోన్నతి పొందిన ASIలు స్టేషన్లో రిపోర్ట్ చేసుకోవాలన్నారు.
Similar News
News September 15, 2024
పెంచలకోనలో పవిత్రోత్సవాలు
రాపూరు మండలం పెంచలకోనలో స్వయంభుగా వెలసిన శ్రీ పెనుశిల లక్ష్మీనరసింహస్వామి వారికి ఆదివారం నుంచి బుధవారం వరకు పవిత్రోత్సవాలు నిర్వహించనున్నట్లు ఆలయ కార్యనిర్వహణాధికారి విజయసాగర్ బాబు తెలిపారు. మూడురోజుల పాటు స్వామివారికి విశేష పూజలు, హోమములు, అభిషేకము, బుధవారం మహా పూర్ణాహుతి, మహా కుంభ ప్రోక్షణ జరుగుతాయన్నారు. భక్తులకు ఎలాంటి అసౌకర్యం కలగకుండా అన్ని ఏర్పాట్లు చేసినట్లు చెప్పారు.
News September 14, 2024
సూళ్లూరుపేట: ప్రేమ వ్యవహారం.. థియేటర్లో విద్యార్థిపై కత్తితో దాడి
తిరుపతిలోని సినిమా థియేటర్లో ఎంబీయూ యూనివర్శిటీ విద్యార్థి లోకేశ్పై కార్తీక్ అనే యువకుడు కత్తితో దాడి చేశాడు. దాడి అనంతరం కార్తీక్తో పాటు మరో యువతి కావ్య పరారయ్యారని పోలీసులు తెలిపారు. అయితే ఈ దాడికి ప్రేమ వ్యవహారమే కారణమని పోలీసులు అనుమానిస్తున్నారు. కార్తీక్, కావ్యది సూళ్లూరు పేట కాగా, బాధితుడిది ప్రకాశం జిల్లా గిద్దలూరుగా గుర్తించారు.
News September 14, 2024
మాజీ సీఎం జగన్కు సోమిరెడ్డి కౌంటర్
మాజీ సీఎం జగన్కి సర్వేపల్లి MLA సోమిరెడ్డి చంద్రమోహన్ రెడ్డి కౌంటర్ ఇచ్చారు. విజయవాడకు వచ్చిన వరదలపై జగన్ విమర్శిస్తున్న తీరును తప్పుబట్టారు. విపత్తులు ఎదుర్కోవడంలో సీఎం చంద్రబాబు దిట్ట అయితే , రూ. లక్షల కోట్లు దాచుకోవడంలో జగన్ రోల్ మోడల్ అని ఎద్దేవా చేశారు. జగన్ కనీస అవగాహన లేకుండా మాట్లాడుతున్నారని మండిపడ్డారు.