News August 1, 2024
నేటి నుంచి డిప్లొమా అభ్యర్థుల ధ్రువపత్రాల పరిశీలన
డీఈఈ సెట్ లో అర్హత సాధించిన ఉమ్మడి జిల్లా విద్యార్థులు 2024 -26 విద్యా సంవత్సరంలో డిప్లొమా ఇన్ ఎలిమెంటరీ, డిప్లొమా ఇన్ ప్రీ స్కూల్ ఎడ్యుకేషన్ కోర్సుల్లో చేరేందుకు ధ్రువపత్రాల పరిశీలన ఉంటుందని డైట్ ఇన్‌ఛార్జి ప్రిన్సిపల్ వాసంతి ప్రకటనలో తెలిపారు. హనుమకొండ లష్కర్ బజార్‌లోని జిల్లా విద్యా శిక్షణ సంస్థ(డైట్)లో గురువారం నుంచి ఆగస్టు 6 వరకు ఈ ప్రక్రియ కొనసాగుతుందని తెలిపారు.
Similar News
News October 12, 2024
హనుమకొండ: జిల్లా ప్రజలకు దసరా శుభాకాంక్షలు తెలిపిన కలెక్టర్
విజయానికి చిహ్నమైన విజయదశమిని జిల్లా ప్రజలందరూ సుఖ సంతోషాలతో జరుపుకోవాలని జిల్లా కలెక్టర్ పి.ప్రావీణ్య అన్నారు. జిల్లా ప్రజలకు కలెక్టర్ విజయదశమి శుభాకాంక్షలు తెలియజేశారు. ఈ దసరా పండుగ రోజున ప్రజలందరూ ఒకరినొకరు కలుసుకొని సుఖసంతోషాలతో శమీ పూజ నిర్వహించి ఐకమత్యంగా పండుగను జరుపుకోవాలన్నారు. సుఖసంతోషాలతో ఉండేలా ఆ దుర్గాదేవి అందరిని ఆశీర్వదించాలని ఆకాంక్షించారు.
News October 11, 2024
హనుమకొండ: ప్రజలకు మెరుగైన వైద్య సేవలు అందించాలి: స్టేట్ హెల్త్ డైరెక్టర్
ప్రజలకు మెరుగైన వైద్య సేవలు అందించాలని, అందు కోసం డాక్టర్లు, సిబ్బంది నిబద్ధతో పని చేయాలని రాష్ర్ట ఆరోగ్యశాఖ సంచాలకులు (డైరెక్టర్) బి.రవీందర్ నాయక్ పేర్కొన్నారు. ఈరోజు హనుమకొండ జిల్లాలోని పోచమ్మకుంట పట్టణ ఆరోగ్య కేంద్రాన్ని సందర్శించి అక్కడ అందుతున్న వైద్య సేవలు గురించి ఆరా తీశారు. ఆసుపత్రి పరిధిలో నమోదైన డెంగ్యూ, మలేరియా ఇతర వ్యాధుల గురించి తెలుసుకున్నారు.
News October 11, 2024
వరంగల్: పండగ వేళ.. జాగ్రత్త!
జిల్లాలో పండగ పూట రోడ్డు ప్రమాదాలు కుటుంబీకులను కంటతడి పెట్టిస్తున్నాయి. రాయపర్తి మండలం కిష్టపురానికి చెందిన <<14329203>>అన్వేశ్(19), రాజు(24)<<>>, చెన్నారావుపేట(M) ఉప్పరపల్లికి చెందిన <<14330918>>గుల్లపల్లి అఖిల్<<>>, వాజేడు మండలం చెరుకూరుకు చెందిన <<14328812>>భూపతి<<>>.. వేర్వేరు రోడ్డు ప్రమాదాల్లో మృత్యువాత పడ్డారు. అతి వేగం, నిర్లక్ష్యపు డ్రైవింగ్ చేసి కుటుంబాలను రోడ్డున పడేయొద్దని పోలీసులు సూచిస్తున్నారు.