News December 9, 2024
నేడు దద్దరిల్లనున్న హైదరాబాద్
ప్రజాపాలన విజయోత్సవాలు నేటితో ముగియనున్నాయి. HYD వేదికగా భారీగా ఏర్పాట్లు చేశారు. సెక్రటేరియట్‌లో ప్రభుత్వం నూతనంగా తెలంగాణ తల్లి విగ్రహావిష్కరణ చేస్తోంది. ఇదేరోజు దుండిగల్‌లో BRS కూడా విగ్రహావిష్కరణకు సిద్ధమైంది. దీనికి తోడు సోనియా గాంధీ జన్మదినం. మరోవైపు అసెంబ్లీ సమావేశాలు ప్రారంభంకానున్నాయి. అభివృద్ధిపై కాంగ్రెస్, వైఫల్యాలు ఎత్తిచూపే ప్రతిపక్షాల ప్రసంగాలతో నేడు HYD దద్దరిల్లనుంది.
Similar News
News November 29, 2025
మీర్ఖాన్‌పేటలో మాక్ గ్లోబల్ సమ్మిట్
గ్లోబల్ సమ్మిట్.. అతి పెద్ద అంతర్జాతీయ సదస్సు.. వేల మంది ప్రముఖ అతిథులు.. ఎక్కడా ఎవ్వరూ ఇబ్బంది పడరాదు.. ఇదే లక్ష్యం.. అందుకే మాక్ అసెంబ్లీ లాగా.. మాక్ గ్లోబల్ సమ్మిట్ నిర్వహించేందుకు సర్కారు నిర్ణయించింది. అచ్చం సమ్మిట్ లాగే డిసెంబర్ 4,5 తేదీల్లో మాక్ సమ్మిట్ నిర్వహించనున్నారు. మీర్ఖాన్‌పేటలోని సమ్మిట్ జరిగే ప్రాంతంలో ఈ కార్యక్రమం జరుగనుంది. అలాగే 6న మరోసారి మాక్ సమ్మిట్ నిర్వహిస్తారు.
News November 29, 2025
గ్లోబల్ సమ్మిట్లో ‘సెల్’ టవర్లు నడవాలి!
డిసెంబర్ 8, 9 తేదీల్లో ప్రభుత్వం ఫ్యూచర్ సిటీలో ప్రతిష్ఠాత్మకంగా నిర్వహిస్తున్న గ్లోబల్ సమ్మిట్లో 5 వేల మంది వీవీఐపీలు పాల్గొంటున్నారు. సమ్మిట్ విజయవంతం కావాలంటే ఫోన్ సిగ్నల్, ఇంటర్ నెట్ సేవలు ముఖ్యం. అందుకే సిగ్నల్ ఇబ్బంది లేకుండా.. రాకుండా ప్రభుత్వం చర్యలు తీసుకుంటోంది. వివిధ మొబైల్ కంపెనీలు తమ వినియోగదారులకు నెట్‌వర్క్ సమస్య ఎదురవకుండా సెల్ టవర్ ఆన్ వీల్స్ సమ్మిట్ జరిగే ప్రాంతాల్లో ఉంచుతున్నాయి
News November 29, 2025
GHMC: EV ఇక ప్రైవేట్‌కు!
గ్రేటర్ పరిధిలో ఎలక్ట్రిక్ వాహనదారులకు మరిన్ని ఛార్జింగ్ స్టేషన్లు అందుబాటులోకి రానున్నాయి. సిటీ వ్యాప్తంగా 150 స్టేషన్ల ఏర్పాటుకు టీఎస్ రెడ్కో ముందుకొచ్చింది. దీంతో వీటి నిర్వహణ ప్రైవేట్‌కు అప్పగించనున్నారు. డిసెంబర్ 1తో బిడ్ వేసేందుకు అవకాశం ఉంది. ప్రైవేట్‌కి ఇస్తే ఫిర్యాదులు త్వరగా పరిష్కరించేందుకు అవకాశం ఉంటుందని అధికారులు భావిస్తున్నారు.