News January 27, 2025
నేడు నాగర్ కర్నూల్ జిల్లాలో మెగా జాబ్ మేళా
నాగర్ కర్నూల్ జిల్లా కేంద్రంలోని నెల్లికొండ ప్రభుత్వ సైన్స్ డిగ్రీ కళాశాలలో నేడు మెగా జాబ్ మేళా నిర్వహించనున్నట్లు కళాశాల నోడల్ అధికారి అంజయ్య తెలిపారు. పాక్స్ కాన్ కంపెనీ, కొంగరకలాన్ కంపెనీ హైదరాబాద్ వారు ఈ జాబ్ మేళాను నిర్వహించనున్నట్లు తెలిపారు. వెయ్యి మందికి ఉద్యోగ కల్పనే లక్ష్యంగా మేళా నిర్వహిస్తున్నట్లు తెలిపారు. ఇట్టి అవకాశాన్ని జిల్లాలోని నిరుద్యోగ యువత వినియోగించుకోవాలని సూచించారు.
Similar News
News November 7, 2025
MBNR: నేడు మోస్తరు నుంచి భారీ వర్షాల అవకాశం
తెలంగాణలోని పలు జిల్లాల్లో శుక్రవారం(నేడు) ఓ మోస్తరు నుంచి భారీ వర్షాలు కురిసే అవకాశం ఉందని వాతావరణ శాఖ అధికారులు తెలిపారు. ముఖ్యంగా వికారాబాద్‌, సంగారెడ్డి, ఆదిలాబాద్‌, కొమురం భీమ్‌, సిద్దిపేట, యాదాద్రి భువనగిరి, నల్గొండ, సూర్యాపేట, మహబూబ్‌నగర్‌, జోగులాంబ గద్వాల, నారాయణపేట, నాగర్ కర్నూల్, వనపర్తి జిల్లాల్లో సహా మరికొన్ని జిల్లాల్లో వర్షాలు పడే అవకాశం ఉందని వెల్లడించారు.
News November 7, 2025
గద్వాల: విషాదం.. హాస్టల్‌లో విద్యార్థి SUICIDE
HYD తెలుగు విశ్వవిద్యాలయం వసతిగృహంలో విషాదం చోటు చేసుకుంది. జోగులాంబ గద్వాల జిల్లా వడ్డేపల్లి మండలం శాంతినగర్‌కు చెందిన పద్మ కుమారుడు పరశురాం(20) గురువారం ఆత్మహత్య చేసుకున్నాడు. సాయంత్రం హాస్టల్‌ గది తలుపు తెరవకపోవడంతో సిబ్బంది బద్దలుకొట్టి చూడగా, పరశురాం ఫ్యాన్‌కు ఉరేసుకుని బలవన్మరణానికి పాల్పడినట్లు గుర్తించారు. పోలీసులు కేసు నమోదు చేసి, ఆత్మహత్యకు గల కారణాలపై దర్యాప్తు చేస్తున్నారు.
News November 7, 2025
ఎందుకు అరెస్టు చేస్తున్నారో చెప్పాల్సిందే: సుప్రీం
కారణాలు చెప్పకుండా అరెస్టు చేయకూడదని సుప్రీంకోర్టు స్పష్టం చేసింది. ఎందుకు అరెస్టు చేశారు? FIRలో ఏం రాశారు? ఏ చట్టాలను ప్రస్తావించారో నిందితులకు చెప్పాలని తేల్చి చెప్పింది. ‘అరెస్టుకు ముందు లేదా అరెస్టయిన తక్షణమే కారణాలు చెప్పాలి. 2 గంటల్లోపే మేజిస్ట్రేట్ ముందు హాజరుపర్చగలిగితే ఇది వర్తించదు’ అని తెలిపింది. తన అరెస్టుకు కారణాలు చెప్పలేదంటూ మిహిర్ రాజేశ్(ముంబై) వేసిన కేసులో ఈ తీర్పు వెల్లడించింది.