News May 11, 2024
నేడు పిఠాపురంలో జగన్ పర్యటన
AP: సార్వత్రిక ఎన్నికల ప్రచారంలో భాగంగా సీఎం వైఎస్ జగన్ ఇవాళ మూడు నియోజకవర్గాల్లో పర్యటించనున్నారు. ఉదయం 10 గంటలకు పల్నాడు జిల్లా చిలకలూరిపేట, మధ్యాహ్నం 12.30 గంటలకు ఏలూరు జిల్లా కైకలూరు, మధ్యాహ్నం 3 గంటలకు కాకినాడ జిల్లా పిఠాపురంలో జరిగే బహిరంగ సభలో ఆయన పాల్గొననున్నారు. అనంతరం ఆయన తిరిగి తాడేపల్లికి చేరుకుంటారు.
Similar News
News November 29, 2025
ఎస్ఐ జాబ్ వదిలి సర్పంచ్‌గా పోటీ
TG: సర్పంచ్ ఎన్నికల్లో పోటీ చేసేందుకు సూర్యాపేట జిల్లా కోదాడ టౌన్ ఎస్ఐ పులి వెంకటేశ్వర్లు ఉద్యోగానికి రాజీనామా చేశారు. మరో 5 నెలల సర్వీస్ ఉండగానే వీఆర్ఎస్ తీసుకున్నారు. గుడిబండ గ్రామ సర్పంచ్ పదవికి ఆయన పోటీ చేయనున్నారు. ‘పుట్టిన ఊరికి సేవ చేయడమే నా ధ్యేయం’ అని ఆయన చెప్పారు. కాగా ఇవాళ్టితో తొలి విడత గ్రామపంచాయతీ ఎన్నికలకు నామినేషన్ల ప్రక్రియ ముగిసిన విషయం తెలిసిందే.
News November 29, 2025
సినిమా అప్డేట్స్
* బాలీవుడ్ స్టంట్ మాస్టర్ షామ్ కౌశల్ సారథ్యంలో ‘పెద్ది’ సినిమాలో ఓ భారీ యాక్షన్ సీక్వెన్స్ రూపొందుతున్నట్లు తెలుస్తోంది. ఇందులో రామ్ చరణ్‌, శివరాజ్ కుమార్ పాల్గొంటారని సమాచారం.
* సందీప్‌-ప్రభాస్ కాంబోలో తెరకెక్కుతున్న స్పిరిట్ మూవీలో సీనియర్ హీరోయిన్ కాజోల్ నటిస్తున్నట్లు టాక్.
* నిఖిల్ ‘స్వయంభు’ సినిమా ఓవర్సీస్ హక్కులు ₹7కోట్లు పలికినట్లు సినీ వర్గాలు వెల్లడించాయి. ఇది ఆయన కెరీర్‌లోనే అత్యధికం.
News November 29, 2025
ALERT: ఈ యాప్స్ వాడాలంటే సిమ్ ఉండాల్సిందే!
వాట్సాప్, టెలిగ్రామ్, షేర్‌చాట్, అరట్టై వంటి యాప్స్‌కు టెలికం శాఖ కీలక ఆదేశాలిచ్చింది. ఫోన్‌లో యాక్టివ్ SIM కార్డు ఉంటేనే యాప్స్ పని చేసేలా చూడాలని సూచించింది. ‘తమ సేవలు SIMతో లింక్ అయ్యేలా 90 రోజుల్లోగా చర్యలు తీసుకోవాలి. వెబ్‌లో లాగిన్ అయితే 6గంటల తర్వాత ఆటోమెటిక్‌గా లాగౌట్ అవ్వాలి. మళ్లీ లాగిన్ అయ్యేలా మార్పు చేయాలి’ అని పేర్కొంది. దీనివల్ల యాప్స్ దుర్వినియోగం తగ్గుతుందని ప్రభుత్వం చెబుతోంది.