News February 11, 2025
నోరు అదుపులో పెట్టుకోండి: పరిటాల సునీత హెచ్చరిక
వైసీపీ నేతలు తోపుదుర్తి ప్రకాష్ రెడ్డి, గోరంట్ల మాధవ్ నోరు అదుపులో పెట్టుకోవాలని ఎమ్మెల్యే పరిటాల సునీత హెచ్చరించారు. ఆమె మాట్లాడుతూ.. గుంతపల్లి గ్రామంలో వ్యక్తిగత కారణాలతో జరిగిన గొడవను రాజకీయం చేస్తున్నారని మండిపడ్డారు. వైసీపీ హయాంలో అధికారాన్ని దుర్వినియోగం చేసి అక్రమ కేసులు పెట్టించిన ప్రకాశ్ రెడ్డి పోలీస్ వ్యవస్థ గురించి మాట్లాడడం విడ్డూరంగా ఉందన్నారు. అసత్య ఆరోపణలు తగవని హెచ్చరించారు.
Similar News
News November 29, 2025
వరంగల్: పోలీసుల అదుపులో నకిలీ ఏసీబీ అధికారి..!
ఏసీబీ అధికారినంటూ మోసం చేసి డబ్బులు వసూలు చేసిన వ్యక్తిని పోలీసులు అదుపులోకి తీసుకున్నారు. రవాణా శాఖ అధికారి ఫిర్యాదుతో ప్రారంభించిన విచారణలో, నిందితుడు ప్రభుత్వ ఉద్యోగుల ఫోన్లు, బ్యాంక్ ఖాతాలను ఉపయోగించి నగదు వసూలు చేశాడని తేలింది. బెంగళూరులోని ఏటీఎం సెక్యూరిటీ గార్డు పాత్ర ఆధారంగా అతడిని గుర్తించి అరెస్ట్ చేశారు. పలు రాష్ట్రాల్లో 50కి పైగా కేసులు నమోదైన నిందితుడు రూ.లక్షల్లో కాజేశాడు.
News November 29, 2025
కూకట్‌పల్లిలో యాక్సిడెంట్.. ఒకరి మృతి
కూకట్‌పల్లి హౌసింగ్ బోర్డు కాలనీలో తెల్లవారుజామున రోడ్డు ప్రమాదం జరిగింది. స్థానికులు తెలిపిన వివరాల ప్రకారం.. చెట్లకు నీళ్లు పోస్తున్న ట్యాంకర్ డ్రైవర్‌ను అతివేగంగా వచ్చిన కారు ఢీ కొట్టింది. ఈ ప్రమాదంలో సదరు వ్యక్తి తీవ్రగాయాలతో అక్కడికక్కడే మృతి చెందాడు. కారు డ్రైవర్ మద్యం సేవించి డ్రైవింగ్ చేసినట్లు పోలీసులు గుర్తించారు. ఘటనపై కేసు నమోదు చేసి దర్యాప్తు చేపట్టారు.
News November 29, 2025
తిరుపతిలో జాతీయ స్థాయి స్పోర్ట్స్‌ హబ్‌.. CMకు ధన్యవాదాలు
తిరుపతి నగరంలో జాతీయ స్థాయి క్రీడా మౌలిక వసతులు, స్పోర్ట్స్‌ విలేజ్ ఏర్పాటు దిశగా కీలక అడుగు పడింది. దామినేడు వద్ద స్పోర్ట్స్‌ హబ్‌ నిర్మాణం కోసం 28 ఎకరాల భూమిని కేటాయిస్తూ మంత్రివర్గం ఆమోదం తెలిపింది. ఈ భూ కేటాయింపు చేసినందుకు CM చంద్రబాబుకు AP శాప్ ఛైర్మన్ రవినాయుడు కృతజ్ఞతలు తెలిపారు. క్రీడాంధ్రప్రదేశ్ రూపకల్పనలో ఇది ముఖ్యమైన మైలురాయిగా నిలుస్తుందని ఆయన అభిప్రాయం వ్యక్తం చేశారు.