News March 6, 2025
పకడ్బందీగా పది పరీక్షలు: భద్రాద్రి కలెక్టర్
భద్రాద్రి కొత్తగూడెం జిల్లాలో ఈనెల 21వ తేదీ నుంచి ప్రారంభమయ్యే పదో తరగతి పబ్లిక్ పరీక్షల నిర్వహణ కోసం చీఫ్ సూపరింటెండెంట్, డిపార్ట్మెంట్ ఆఫీసర్లకు బుధవారం శిక్షణ కార్యక్రమం నిర్వహించారు. ఈ కార్యక్రమానికి జిల్లా కలెక్టర్ జితేశ్‌ వి పాటిల్ హాజరై పరీక్షల నిర్వహణపై పలు సూచనలు చేశారు. జిల్లాలో 73 పరీక్షా కేంద్రాల్లో రెగ్యులర్ విద్యార్థులు 12282 మంది, ప్రైవేట్ విద్యార్థులు 686 మంది హాజరవ్వనున్నారు.
Similar News
News November 29, 2025
వంగూరు: సీఎం సొంత గ్రామ సర్పంచ్ పదవి ఏకగ్రీవం
తెలంగాణ రాష్ట్ర సీఎం రేవంత్ రెడ్డి గ్రామం కొండారెడ్డిపల్లి సర్పంచ్ పదవిని ఏకగ్రీవంగా కైవసం చేసుకున్నారు. గ్రామానికి చెందిన మల్లె పాకుల వెంకటయ్య అనే వ్యక్తిని సర్పంచ్‌తో పాటు పదిమంది వార్డు సభ్యుల స్థానాలకు ఒక్క నామినేషన్ చొప్పున దాఖలు కావడంతో గ్రామ ఎన్నిక ఏకగ్రీవం లాంఛనమైంది. వారికి పోటీగా ఎవరు నామినేషన్ వేయలేదు. సర్పంచ్‌తో పాటు 10 వార్డులకు ఒక్కొక్క నామినేషన్ దాఖలైంది.
News November 29, 2025
రాజమండ్రి : ఈవీఎం గోడౌన్ పరిశీలించిన DRO
జిల్లా రెవెన్యూ అధికారి టి.సీతారామ మూర్తి శనివారం రాజమండ్రిలో ఈవీఎంల గోడౌన్‌ను పరిశీలించారు. ఆయన మాట్లాడుతూ.. కేంద్ర,రాష్ట్ర ఎన్నికల కమిషన్ మార్గదర్శకాల మేరకు చేపట్టే సాధారణ తనిఖీల్లో భాగంగా ఉదయం స్ట్రాంగ్ రూమ్ గోడౌన్‌ను సందర్శించినట్లు చెప్పారు. వివిధ పార్టీల ప్రతినిధుల సమక్షంలో తనిఖీ చేసి, సంబంధిత రిజిస్టర్‌లలో సంతకాలు చేసినట్లు పేర్కొన్నారు. స్ట్రాంగ్ రూమ్‌ల్లో కెమెరాల పర్యవేక్షణ ఉందన్నారు.
News November 29, 2025
పార్వతీపురం జిల్లాలో ప్రైవేట్ స్కూల్ బస్సులకు నోటీసులు
పార్వతీపురం జిల్లా వ్యాప్తంగా శనివారం విద్యాసంస్థల బస్సుల్లో అధికారులు వాహన తనిఖీలు చేపట్టారు. పార్వతీపురం, సాలూరు, పాలకొండ పరిధిలో తనిఖీలు నిర్వహించారు. ఈ నెల 28 నుంచి ఇప్పటి వరకు 14 బస్సులు తనిఖీ చేసి, 8 పాఠశాలలను సందర్శించి అవగహన కల్పించామన్నారు. నిబంధనలు పాటించని 6 స్కూల్ బస్సులకు నోటీసులు జారీ చేశామన్నారు. ఈ తనిఖీల్లో జేవీఎస్ ప్రసాద్, సుమన్ కుమార్, కాసీరాం నాయక్, వేణుగోపాల్‌రావు పాల్గొన్నారు.