News February 19, 2025
పదవ తరగతి పరీక్షలకు 26497 విద్యార్థులు: కలెక్టర్

పల్నాడులో 2025 పదవ తరగతి పబ్లిక్ పరీక్షలకు 26,497 మంది విద్యార్థులు హాజరవుతున్నట్లు జిల్లా కలెక్టర్ పి. అరుణ్ బాబు తెలిపారు. విద్యాశాఖ అధికారులతో మంగళవారం 128 కేంద్రాలలో ఏర్పాట్లపై సమీక్ష నిర్వహించారు. పరీక్షలను ప్రశాంత వాతావరణంలో సజావుగా నిర్వహించాలన్నారు. విద్యాశాఖ అధికారులు తహశీల్దార్లతో సమన్వయం చేసుకొని విధుల నిర్వహణలో నిర్లక్ష్యం లేకుండా ఉండాలన్నారు. డీఈవో చంద్రకళ, అధికారులు పాల్గొన్నారు.
Similar News
News November 29, 2025
2వేల టార్పాలిన్లు సిద్ధంగా ఉంచాం: VZM కలెక్టర్

ఒక వేళ వర్షాలు పడితే ధాన్యం పాడవ్వకుండా 2వేల టార్పాలిన్లు సిద్ధంగా ఉంచామని రాం సుందర్ రెడ్డి తెలిపారు. కలెక్టరేట్లో అధికారులతో నేడు నిర్వహించిన సమీక్షలో ఆయన మాట్లాడారు. మరో 1600 టార్పాలిన్లు జిల్లాకు రానున్నాయని కలెక్టర్ స్పష్టం చేశారు. చీపురుపల్లి, బొబ్బిలి డివిజన్లలో ఇప్పటికే ధాన్యం కొనుగోలు ప్రక్రియ ప్రారంభమైందని, విజయనగరం డివిజన్లో త్వరలో ప్రారంభమవుతుందన్నారు.
News November 29, 2025
గూడూరు: పోలీస్ చెక్ పోస్ట్ను ఎస్పీ తనిఖీ

గూడూరు మండలం భూపతి పేటలో పోలీసులు ఏర్పాటు చేసిన చెక్ పోస్ట్ను ఎస్పీ శబరీష్ శనివారం తనిఖీ చేశారు. వాహనాలను తనిఖీ చేస్తున్న విధానం, తీసుకుంటున్న చర్యలపై సిబ్బందిని అడిగి తెలుసుకున్నారు. ఎన్నికల నేపథ్యంలో వాహనాల్లో నగదు, నిషేధిత వస్తువులు తరలింపుపై ప్రత్యేక నిఘా పెట్టాలన్నారు. రాష్ట్ర ఎన్నికల కమిషన్ ఆదేశాలను పకడ్బందీగా అమలు చేయాలని ఆదేశించారు.
News November 29, 2025
స్టేషన్ ఘనపూర్: ఓట్లు, నోట్లు వద్దు.. నాలుగు మెతుకులు చాలు!

పదవుల కోసం హంగు ఆర్భాటాలకు, పైసల కోసం ఆరోగ్యాన్ని పాడు చేసుకునే వారికి కంటి నిండా నిద్ర, మనశ్శాంతి దొరుకుతుందా అనే సందేహం ఉంటుంది. కానీ, స్టేషన్ ఘనపూర్ మండలం ఇప్పగూడెంలో ఎన్నికల నామినేషన్ల హడావుడి జరుగుతున్నా, ఆకలైతే నాలుగు మెతుకులు చాలు అన్నట్లుగా ఓ వృద్ధురాలు హాయిగా నిద్రపోతూ కనిపించడం అందరి దృష్టిని ఆకర్షించింది.


