News April 2, 2025
పది లక్షల మందితో వరంగల్‌లో BRS సభ!
ఈనెల 27న HNK ఎల్కతుర్తిలో బీఆర్ఎస్ సిల్వర్ జూబ్లీ సెలబ్రేషన్స్ నిర్వహించనున్న విషయం తెలిసిందే. ఈమేరకు ఉమ్మడి జిల్లా నాయకులతో మంగళవారం కేసీఆర్ సమీక్ష నిర్వహించారు. అయితే సభకు, ఇతర అవసరాలకు దాదాపు 1200 ఎకరాల వరకు అవసరమని, RTC బస్సులతో పాటు ఇతర వాహనాలు 40 నుంచి 50 వేల వరకు వస్తాయని అంచనా వేస్తున్నట్లు సమాచారం. 10 లక్షల మందితో సభ నిర్వహించాలని ప్లాన్ చేస్తున్నట్లు తెలుస్తోంది.
Similar News
News November 29, 2025
NTR: ఈ సమస్యలను పట్టించుకోండి కలెక్టర్ సాబ్..!
ఎన్టీఆర్ జిల్లా కలెక్టర్‌గా లక్ష్మీశ పదవీ బాధ్యతలు చేపట్టి ఏడాది పూర్తయింది. ఈ ఏడాదిలో అనేక సమస్యలు పరిష్కరించినా, ప్రధాన సమస్యలపై మాత్రం దృష్టి పెట్టాల్సిన అవసరం ఉందని పలువురు చెబుతున్నారు. ఫుడ్ కోర్ట్ నాణ్యత, తిరువూరు కిడ్నీ బాధితుల నీటి సరఫరా ఆలస్యం, ఆటోనగర్‌ కాలుష్యం, రెవెన్యూ సమస్యల పరిష్కారంలో వేగం పెంచాలి. ముఖ్యంగా టూరిజం అభివృద్ధిపై చర్యలు తీసుకోవాలని ప్రజలు కోరుతున్నారు.
News November 29, 2025
బాలయ్య రోల్‌లో విజయ్ సేతుపతి!
రజినీకాంత్ ‘జైలర్-2’ సినిమాలో గెస్ట్ రోల్ కోసం మొదట బాలకృష్ణను తీసుకోవాలని అనుకున్నట్లు వార్తలు వచ్చిన విషయం తెలిసిందే. అయితే తాజాగా బిజీ షెడ్యూల్ కారణంగా బాలయ్య ప్రాజెక్ట్‌ నుంచి తప్పుకున్నట్లు తెలుస్తోంది. ఆయన ప్లేస్‌లో తమిళ స్టార్ నటుడు విజయ్ సేతుపతి చేస్తున్నారని, ఇప్పటికే షూటింగ్‌లో కూడా పాల్గొన్నారని సమాచారం. నెల్సన్ దిలీప్‌కుమార్ తెరకెక్కిస్తున్న ఈ మూవీ 2026 సమ్మర్‌లో విడుదల కానుంది.
News November 29, 2025
చిట్యాల: గ్రేట్ సర్పంచ్.. 26 ఏళ్లపాటు సేవలు..!
26 ఏళ్లపాటు గ్రామస్థాయి ప్రజాప్రతినిధిగా సేవలందించారు చిట్యాల(M) గుండ్రాంపల్లికి చెందిన ఏసిరెడ్డి బుచ్చిరెడ్డి. సర్పంచ్‌గా 16ఏళ్లు, వార్డు మెంబర్‌గా 11ఏళ్లు ప్రాతినిధ్యం వహించారు. 1970-1981వరకు వార్డు సభ్యుడిగా, 1981-1996 వరకు సర్పంచ్‌గా చేశారు. ఆయన హయాంలో గ్రామాన్ని అన్ని రకాలుగా అభివృద్ధి చేశారని, ప్రస్తుతం 85 ఏళ్ల వయసులోనూ ప్రజా సమస్యల పరిష్కారానికి పోరాటం చేస్తున్నారని గ్రామస్థులు కొనియాడారు.