News April 13, 2025

పని చేయని కాంట్రాక్టర్లను బ్లాక్ లిస్టులో పెడతాం: సీతక్క

image

ఉమ్మడి వరంగల్ జిల్లాలోని వివిధ నియోజకవర్గాల్లో పనులు దక్కించుకొని సకాలంలో పూర్తి చేయని కాంట్రాక్టర్ల పేర్లను బ్లాక్ లిస్టులో పెడతామని మంత్రి సీతక్క తెలిపారు. పంచాయతీరాజ్, గ్రామీణాభివృద్ధి, మంచినీటి సరఫరా, స్త్రీ శిశు సంక్షేమంపై ఉమ్మడి వరంగల్ జిల్లా ప్రజా ప్రతినిధులు, అధికారులతో మంత్రి సమీక్ష సమావేశం నిర్వహించారు. పనులు చేసిన కాంట్రాక్టర్లకే నిధులు విడుదల చేస్తామని మంత్రి స్పష్టం చేశారు.

Similar News

News November 29, 2025

ద్రవిడ్, లక్ష్మణ్ లాంటి ప్లేయర్లు లేరు: కపిల్ దేవ్

image

సౌతాఫ్రికాతో 0-2 తేడాతో టెస్టు సిరీస్‌ను టీమ్ ఇండియా ఓడిపోవడంపై క్రికెట్ దిగ్గజం కపిల్ దేవ్ స్పందించారు. ‘స్పిన్, సీమ్ పిచ్‌లపై ఆడాలంటే ఓపిక అవసరం. ఎక్కువసేపు క్రీజులో ఎలా నిలబడాలో తెలిసిన రాహుల్ ద్రవిడ్, VVS లక్ష్మణ్ లాంటి బ్యాటర్లు మనకు లేరు. టెస్టుల్లో బ్యాటింగ్ అంటే క్రీజులో నిలదొక్కుకోవడమే’ అని చెప్పారు. ఇప్పుడున్న ప్లేయర్లలో ఎంత మంది డొమెస్టిక్ క్రికెట్ ఆడుతున్నారని ఆయన ప్రశ్నించారు.

News November 29, 2025

ములుగులో ఎన్నికల అధికారులకు శిక్షణ

image

జిల్లా కలెక్టరేట్‌లో గ్రామ పంచాయతీ ఎన్నికల నిర్వహణపై రిటర్నింగ్, సహాయ రిటర్నింగ్ అధికారులకు శిక్షణ కార్యక్రమం శనివారం నిర్వహించారు. అదనపు కలెక్టర్ సంపత్ రావు మాట్లాడుతూ, ఎన్నికల నిర్వహణలో రిటర్నింగ్ అధికారుల పాత్ర కీలకమన్నారు. ఎలాంటి నిర్లక్ష్యానికి తావులేకుండా కార్యదీక్షతో విధులు నిర్వర్తించాలని అధికారులను ఆయన ఆదేశించారు.

News November 29, 2025

చలికాలంలో దూడలకు న్యుమోనియా ముప్పు

image

దూడలు ఎక్కువగా చలికాలమైన నవంబరు నుంచి జనవరి మాసాల్లో మరణిస్తుంటాయి. దీనికి కారణం దూడలకు చలిగాలి, ఈదురుగాలి సోకినట్లయితే న్యుమోనియా వ్యాధి వస్తుంది. ఈ సమయంలో వైద్యం అందకపోతే మరణాలు సంభవిస్తాయి. ఈ సందర్భాలలో జ్వరం కూడా వచ్చి శ్వాస పీల్చడం కష్టమవుతుంది. అలాంటప్పుడు వెంటనే పశువైద్యుడిని సంప్రదించాలి. అలాగే లేగదూడలుండే పశుకొట్టాలను శుభ్రంగా ఉంచి, చలిగాలులు తగలకుండా పరదాలు కట్టి జాగ్రత్త వహించాలి.