News March 15, 2025
పల్నాడు చరిత్రను ప్రపంచానికి చాటుదాం
గతం నాస్తి కాదు మిత్రమా.. తరతరాల నీ ఆస్తి అన్నాడు ఒక కవి. తరతరాల పల్నాటి చారిత్రక సంపదను భవిష్యత్ తరాలకు అందించేందుకు కృషిచేస్తున్నట్లు పల్నాడు మహా శైవ క్షేత్ర కార్యనిర్వహణ కమిటీ తెలిపింది. 12వ శతాబ్దంలో పల్నాడు వీర వనిత నాయకురాలు నాగమ్మ నిర్మించిన శివాలయం పునః ప్రతిష్ఠ కార్యక్రమం ఈనెల 16న జరుగుతుందన్నారు. దేశంలోనే అత్యంత ఎత్తైన 272 అడుగుల రాజగోపురం, ఆధ్యాత్మిక, యోగ కేంద్రం ఏర్పాటు చేస్తామన్నారు.
Similar News
News April 18, 2025
పోచంపల్లితో వినోబా భావేకు విడదీయని అనుబంధం
ఆచార్య వినోబా భావేకు <<16135013>>పోచంపల్లితో <<>>విడదీయని అనుబంధం ఉంది. మొదటిసారి 1951లో పోచంపల్లికి వచ్చారు. అలాగే 1956 జనవరి 30న గాంధీ వర్ధంతి సందర్భంగా రెండోసారి వచ్చారు. భూదానోద్యమానికి కార్యోన్ముఖునిగా నిలిచిన పోచంపల్లిని భూదాన గంగోత్రిగా అభివర్ణిస్తూ తన రెండో జన్మస్థలంగా వినోబా భావే పేర్కొనడం విశేషం. వినోబా భావే మరణాంతరం భారత ప్రభుత్వం ఆయన ఆవిశ్రాంత కృషికి గాను 1982లో ‘భారతరత్న’ బిరుదును ప్రకటించింది.
News April 18, 2025
రాజన్న సిరిసిల్ల రచయితకు అరుదైన గౌరవం
రాజన్న సిరిసిల్ల జిల్లాకు చెందిన ప్రముఖ సినీ రచయిత పెద్దింటి అశోక్ కుమార్‌కు అరుదైన గౌరవం లభించింది. ఆయన రచించిన జిగిరీ నవల, అనగనగా ఓ కోడిపెట్ట, గోస కథలను WGLలోని 85 ఏళ్ల చరిత్ర గల శ్రీ విశ్వేశ్వర సంస్కృతాంధ్ర పీజీ కళాశాల విద్యార్థులకు సిలబస్‌గా అమలు చేసింది. విశేషం ఏంటంటే, ఈ కథల్ని బోధించేందుకు రచయితకే అవకాశం కల్పించారు. ఈరోజు సాయంత్రం అశోక్ కుమార్ విద్యార్థులకు కథల సారాంశాన్ని బోధించనున్నారు.
News April 18, 2025
హనుమాన్ జంక్షన్‌లో తనిఖీలు చేసిన ఎస్పీ
రాష్ట్ర డీజీపీ ఆదేశాల మేరకు గురువారం రాత్రి జిల్లావ్యాప్తంగా పోలీసులు నాకాబందీ నిర్వహించారు. హనుమాన్ జంక్షన్ పోలీస్ స్టేషన్ పరిధిలోని పెరికేడు అండర్ పాస్ వద్ద జరిగిన నాకాబందిలో పాల్గొన్న జిల్లా ఎస్పీ గంగాధరరావు స్వయంగా వాహన తనిఖీలు చేశారు. వాహన రికార్డులను క్షుణ్ణంగా పరిశీలించి వారు ఎక్కడ నుంచి వస్తున్నది అడిగి తెలుసుకున్నారు.