News March 14, 2025

పవన్ కళ్యాణ్ స్పీచ్‌పై సర్వత్రా ఆసక్తి

image

పిఠాపురంలోని చిత్రాడ వద్ద మరికాసేపట్లో మొదలుకానున్న ‘జనసేన జయకేతనం’కు ఉపముఖ్యమంత్రి హాజరుకానున్నారు. జనసేన 12వ ఆవిర్భావ దినోత్సవం సందర్భంగా సభలో ఆయన ఏం మాట్లాడతారనేది ఆసక్తికరంగా మారింది. పవన్ కోసం సీటు త్యాగం చేసిన వర్మకి ఎమ్మెల్సీ సీటు కేటాయించకపోవడంపై ఎలా స్పందిస్తారనేది వేచి చూడాలి. ఆయన భవిష్యత్తు రాజకీయాలపై ఎలాంటి ప్రకటనలు చేస్తారనేది ప్రజలు ఆసక్తిగా ఎదురుచూస్తున్నారు.

Similar News

News November 29, 2025

CRDA అధికారులకు సీఎం వార్నింగ్

image

AP: పనుల కోసం ప్రభుత్వ కార్యాలయానికి వెళ్లే రాజధాని రైతులను డబ్బులు అడిగితే తీవ్ర పరిణామాలుంటాయని CM చంద్రబాబు హెచ్చరించారు. CRDA అధికారులు, సిబ్బందిపై వస్తున్న ఫిర్యాదులపై విచారించి కఠిన చర్యలు తీసుకుంటామన్నారు. రైతుల సమస్యల పరిష్కారం కోసం త్రిసభ్య కమిటీ పనిచేస్తుందని తెలిపారు. TDP కేంద్ర కార్యాలయంలో మీడియాతో చిట్‌చాట్‌లో మాట్లాడుతూ గోదావరి పుష్కరాల నాటికి పోలవరం పూర్తి చేస్తామని చెప్పారు.

News November 29, 2025

పాఠశాలల వద్ద తస్మాత్ జాగ్రత్త.. ప్రకాశం పోలీస్.!

image

పాఠశాలల పరిసరాల్లో రాకపోకలు సాగించే వాహనదారులు మితిమీరిన వేగంతో వెళ్లరాదని ప్రకాశం పోలీసులు సూచించారు. ఈ మేరకు ప్రకాశం పోలీస్ సామాజిక మాధ్యమాల ద్వారా శనివారం పలు సూచనలు జారీ చేశారు. వాహనాల వేగంకన్నా, పిల్లల ప్రాణాలు ముఖ్యమన్న విషయాన్ని వాహనదారులు గుర్తించాలని సూచించారు. పాఠశాలల వద్ద చిన్నారులు అకస్మాత్తుగా రహదారులపైకి వచ్చే అవకాశం ఉంటుందని, వాహనదారులు ఈ విషయాన్ని కూడా గుర్తించాలని వారు కోరారు.

News November 29, 2025

సంగారెడ్డిలో ప్రజావాణి రద్దు

image

గ్రామ పంచాయతీ ఎన్నికల ప్రక్రియ కొనసాగుతున్న నేపథ్యంలో డిసెంబర్ 1న నిర్వహించాల్సిన ప్రజావాణి కార్యక్రమాన్ని రద్దు చేస్తున్నట్లు సంగారెడ్డి కలెక్టర్ ప్రావీణ్య శనివారం పేర్కొన్నారు. ఎన్నికలు ముగిసే వరకు ప్రజావాణి కార్యక్రమం ఉండబోదని స్పష్టం చేశారు. స్థానిక సంస్థల ఎన్నికలు పూర్తయిన వెంటనే ప్రజావాణి యథావిధిగా కొనసాగుతుందని, ఈ మార్పును ప్రజలు గమనించాలని, అధికారులకు సహకరించాలని కలెక్టర్ కోరారు.