News February 12, 2025
పాఠశాలల విలీనంపై మంత్రి సవిత సమీక్ష
పెను కొండ నియోజకవర్గ పరిధిలో పాఠశాలల విలీనంపై జిల్లా విద్యాశాఖ అధికారి క్రిష్టప్ప, ఎంఈవోలతో మంత్రి సవిత ఆర్&బి అతిథి గృహంలో సమీక్ష సమావేశం నిర్వహించారు. సాధ్యమైనంతవరకు ఏ పాఠశాలనూ మూసివేయకుండా జాగ్రత్తలు వహించాలన్నారు. తల్లిదండ్రులతో సమావేశం ఏర్పాటు చేసి, వారి అభిప్రాయాలను సేకరించాలన్నారు. పాఠశాలలను విలీనం చేసే సమయంలో ఎలాంటి విమర్శలకూ తావివ్వకుండా అభిప్రాయాలను తీసుకోవాలన్నారు.
Similar News
News November 30, 2025
తిరుపతి రుయాలో రూ.50వేల ఇంజెక్షన్ ఫ్రీ
బ్రెయిన్ స్ట్రోక్ అత్యంత ప్రమాదకరం. చికిత్సకు రూ.లక్షలు ఖర్చు చేయాలి. తిరుపతి రుయాలో ఉచితంగా వైద్యం అందిస్తున్నారు. మంగళ, శుక్రవారం న్యూరాలజీ OP ఇస్తారు. అత్యవసర వైద్యం 24గంటలు అందిస్తారు. చేయి, కాలు, మాట పడిపోవడం, మూతి వంకర పోవడం, కళ్లు కనిపించకపోవడం బ్రెయిన్ స్ట్రోక్ లక్షణాలు. సకాలంలో గుర్తించి ఇక్కడికి తీసుకొస్తే రూ.50వేల విలువైన ఇంజెక్షన్ వేస్తారు. 90శాతం ప్రాణాపాయం తప్పుతుంది.
SHARE IT.
News November 30, 2025
రేపు అనకాపల్లి కలెక్టరేట్‌లో ప్రజా సమస్యల పరిష్కార వేదిక
అనకాపల్లి కలెక్టరేట్‌లో సోమవారం ప్రజా ఫిర్యాదుల పరిష్కార వేదిక ద్వారా ప్రజల నుంచి అర్జీలను స్వీకరిస్తామని కలెక్టర్ విజయకృష్ణన్ తెలిపారు. కలెక్టరేట్‌తో పాటు అన్ని మండల, డీవిజన్ కార్యాలయాల్లో కూడా ఫిర్యాదులు చేయవచ్చు అన్నారు. కార్యాలయాలకు రాలేనివారు మీ కోసం వెబ్ సైట్‌లో కూడా నమోదు చేయవచ్చని పేర్కొన్నారు. ఫిర్యాదుల పరిష్కార స్థితిని 1100 టోల్ ఫ్రీ నంబర్‌కు ఫోన్ చేసి తెలుసుకోవచ్చునన్నారు.
News November 30, 2025
తెలుసుకుందాం!
★ కర్నూలు అసలు పేరు ‘కందనవోలు’
★ కర్నూలులో ప్రవహించే నది: తుంగభద్ర
★ తుంగ నది జన్మస్థలం: కర్ణాటక రాష్ట్రం చిక్కమగళూరు జిల్లాలోని వరాహ పర్వతం
★ కేసీ కెనాల్ ఫుల్ ఫారం: కర్నూలు కడప కాలువ
★ కర్నూలు చివరి నవాబు: గులాం రసూల్ ఖాన్ బహదూర్
★ కర్నూలు జిల్లా విస్తీర్ణం: 17,658 చదరపు కిలోమీటర్లు
★ జిల్లాలో ప్రధాన వంటకాలు: ఉలవచారు, ఉగ్గాని బజ్జీ, రాయలసీమ కారం దోసె, రాగిముద్ద, నాటుకోడి చికెన్