News February 14, 2025
పాడేరు మెడికల్ కాలేజీలో ఉద్యోగాల భర్తీపై కలెక్టర్ స్పందన
పాడేరు ప్రభుత్వ మెడికల్ కళాశాలలో 34కేటగిరీలలో ఖాళీగా ఉన్న 244పోస్టులను పారదర్శకంగా భర్తీ చేస్తున్నట్లు కలెక్టర్ దినేశ్ కుమార్ శుక్రవారం తెలిపారు. పోస్టులు అమ్ముకుంటున్నారన్న వదంతులు తన దృష్టికి వచ్చిందని, అటువంటి వదంతులు నమ్మవద్దని, ఎవరూ ఎవరికీ డబ్బులు ఇచ్చి మోసపోవద్దని సూచించారు. ప్రభుత్వ నిబంధనల ప్రకారం నోటిఫై చేసిన పోస్టులను రోస్టర్ అనుసరించి మాత్రమే భర్తీ చేస్తున్నామన్నారు.
Similar News
News December 6, 2025
విశాఖ స్టేడియంలో ‘ఎకో ఫ్రెండ్లీ’ సెల్ఫీ పాయింట్..!
భారత్-దక్షిణాఫ్రికా వన్డే సందర్భంగా విశాఖ స్టేడియంలో ఎకో ఫ్రెండ్లీ సెల్ఫీ పాయింట్ను ACA అధ్యక్షుడు K శివనాథ్, కార్యదర్శి సానా సతీష్ బాబు ప్రారంభించారు. ప్లాస్టిక్ రహిత విశాఖపై ప్రజల్లో అవగాహన కల్పించడమే దీని ప్రధాన లక్ష్యం అన్నారు. GVMC, స్వచ్ఛ ఆంధ్ర సహకారంతో ఏర్పాటు చేసిన ఈ పాయింట్ వద్ద ఫొటోలు దిగేందుకు క్రికెట్ అభిమానులు ఆసక్తి చూపుతున్నారు. ప్రజలు పరిసరాల పరిశుభ్రతకు ప్రాధాన్యం ఇవ్వాలన్నారు.
News December 6, 2025
అన్నమయ్య కాలిబాట విషయంలో పవన్ కళ్యాణ్ పిఠాపురం పిల్లి: శ్యామల
అన్నమయ్య కాలిబాటపై ఆంక్షలు పెట్టిన డిప్యూటీ సీఎం పవన్ కళ్యాణ్ సినిమాల్లో కొమరం పులే గాని కాలిబాట విషయంలో పిఠాపురం పిల్లిలా ప్రవర్తించారని YCP రాష్ట్ర మహిళా అధికార ప్రతినిధి శ్యామల తీవ్రస్థాయిలో విమర్శించారు. శనివారం నడింపల్లికి చేరుకున్న ఎమ్మెల్యే అమర్నాథ్ రెడ్డి పాదయాత్రకు ఆమె సంఘీభావం తెలిపారు. అనంతరం ఆమె అన్నమయ్య కాలిబాటపై ఆంక్షలు విధించిన డిప్యూటీ సీఎం పవన్ కళ్యాణ్ని విమర్శించారు.
News December 6, 2025
వేంకన్న గుడికి పట్నాలో 10.11 ఎకరాలు
పట్నాలో తిరుమల వేంకన్న గుడి నిర్మాణానికి 10.11 ఎకరాలను బిహార్ ప్రభుత్వం కేటాయించింది. ₹1 టోకెన్ రెంటుతో 99 ఏళ్ల లీజుకు ఈ భూమిని ఇచ్చింది. ఈమేరకు ఆ రాష్ట్ర CS ప్రతయ అమృత్ TTD ఛైర్మన్ బీఆర్ నాయుడికి లేఖ రాశారు. ఈ నిర్ణయంతో ఆ రాష్ట్రంలో టీటీడీ ధార్మిక కార్యక్రమాల నిర్వహణకు అవకాశం ఏర్పడిందని నాయుడు తెలిపారు. త్వరలో ఆ రాష్ట్ర ప్రతినిధులను సంప్రదించి ఆలయ నిర్మాణానికి చర్యలు చేపడతామని పేర్కొన్నారు.