News March 19, 2025
పార్వతీపురం: పదవ తరగతి హిందీ పరీక్షకు 48 మంది గైర్హాజరు
పార్వతీపురం మన్యం జిల్లాలో బుధవారం నిర్వహించిన పదవ తరగతి హిందీ పరీక్షకు 48 మంది గైర్హాజరు అయినట్లు జిల్లా విద్యాశాఖ అధికారి తిరుపతి నాయుడు తెలిపారు. జిల్లా వ్యాప్తంగా 67 పరీక్ష కేంద్రాల్లో పరీక్షలు నిర్వహించినట్లు పేర్కొన్నారు. 10,367 మంది విద్యార్థులకు 10,319 మంది విద్యార్థులు హాజరయ్యారన్నారు. 38 పరీక్ష కేంద్రాల్లో శతశాతం హజరు నమోదైందని జిల్లా వ్యాప్తంగా 99.53 శాతం హాజరు నమోదుదైనట్లు తెలిపారు,
Similar News
News November 30, 2025
ఊట్కూరు: ఎర్గట్‌పల్లి సర్పంచ్, ఉప సర్పంచ్ ఏకగ్రీవ తీర్మానం
ఊట్కూరు మండలంలోని ఎర్గట్‌పల్లి గ్రామంలో సర్పంచ్ ఎన్నికలు ఏకగ్రీవం చేసేందుకు నిర్ణయించారు. గ్రామస్థులు బాలమ్మ ఓళ్ల జయమ్మ శ్రీనివాసును సర్పంచ్‌గా, MD.సాజిద్‌ను ఉపసర్పంచ్‌గా ఏకగ్రీవం చేసేందుకు ఒప్పందం చేశారు. 430 మంది ఓటర్లు, 8 వార్డులు ఉన్న గ్రామంలో గ్రామ అభివృద్ధి కోసం సర్పంచ్ అభ్యర్థి రూ.6 లక్షలు, ఉప సర్పంచ్ అభ్యర్థి రూ.2 లక్షలు, ప్రతి వార్డు సభ్యుడు రూ.5,000 చొప్పున ఇవ్వాలని ప్రతిపాదించారు.
News November 30, 2025
ఆన్‌లైన్‌లో సింహాచలం దర్శనం టికెట్స్
సింహాచలం వచ్చే భక్తులకు గుడ్‌న్యూస్. దేవదాయ శాఖ సూచనల మేరకు దేవస్థానం వసతి గదులు, దర్శనాలు, ప్రత్యేక పూజలు, ఇతర సేవల బుకింగులు ఆన్‌లైన్‌లో అందుబాటులోకి తీసుకొచ్చినట్లు ఈవో సుజాత ఆదివారం తెలిపారు. వీరికి ప్రత్యేక మార్గం ద్వారా దర్శనం, ప్రత్యేక లడ్డు ప్రసాదం కౌంటర్ ఏర్పాటు చేశామన్నారు. భక్తులు www.aptemples.ap.gov.in వెబ్‌సైట్ ద్వారా, వాట్సాప్ నంబరు 9552300009 ద్వారా బుక్ చేసుకోవచ్చని చెప్పారు.
News November 30, 2025
పెద్దేముల్‌లో భార్యను చంపిన భర్త
వికారాబాద్ జిల్లా పెద్దేముల్‌ గ్రామపంచాయతీ పరిధిలోని ఓ తండాలో ఆదివారం భార్యను భర్త అత్యంత దారుణంగా హత్య చేసిన ఘటన స్థానికంగా కలకలం రేపింది. అనారోగ్యంతో ఉన్న భర్త గొడవ పడి భార్యను హతమార్చినట్లు తెలుస్తోంది. గ్రామస్థులు వెంటనే స్పందించి, నిందితుడైన భర్తను పట్టుకుని స్థానిక పోలీస్ స్టేషన్‌కు అప్పగించారు. పూర్తి వివరాలు ఇంకా తెలియాల్సి ఉంది.