News April 5, 2025
పార్వతీపురం: ‘శని, ఆదివారాల్లో సెలవు తీసుకోరాదు’
పార్వతీపురంలోని 15 సచివాలయాల్లో రికార్డ్ పెండింగ్ పనులను పూర్తి చేసే దిశగా ఉద్యోగులు కృషి చేయాలని మున్సిపల్ కమిషనర్ సీహెచ్ వెంకటేశ్వర్లు తెలిపారు. రికార్డు పెండింగ్ ఉన్న శని, ఆదివారాల్లో ఆ సచివాలయాల్లో ఉద్యోగులంతా తప్పకుండా విధులకు హాజరై రికార్డులు పూర్తి చేయాలని ఆదేశించారు. అధికారులు శని, ఆదివారాల్లో ఈ సర్వే పెండింగ్ ఉన్న ఏ సచివాలయాలను అయినా ఆకస్మికంగా తనిఖీ చేసే అవకాశం ఉందన్నారు.
Similar News
News April 6, 2025
సూర్య తిలకం.. PHOTO OF THE DAY
యూపీ అయోధ్యలో శ్రీరామనవమి వేడుకలు కన్నుల పండుగగా సాగాయి. ఆలయ గర్భగుడిలో బాల రాముడి విగ్రహం నుదుటిపై ‘సూర్య తిలకం’ వీక్షించి భక్తులు పరవశించిపోయారు. ఈ అద్భుత దృశ్యం సోషల్ మీడియాలో వైరలవుతోంది. ఇది PHOTO OF THE DAY అని నెటిజన్లు కామెంట్స్ చేస్తున్నారు. ప్రతి శ్రీరామ నవమి రోజున రాముడి నుదుటిపై సూర్య కిరణాలు పడేలా బెంగళూరు IIA, CBRI సైంటిస్టులు ఆలయంలో ప్రత్యేక ఏర్పాట్లు చేశారు.
News April 6, 2025
నంద్యాల జిల్లాలో నేటి ముఖ్యాంశాలు
☞ జిల్లాలో ఘనంగా శ్రీరామనవమి వేడుకలు ☞ హజ్ యాత్ర అనేది ముస్లింలకు ఓ కల: మంత్రి ఫరూక్ ☞ రాములోరి కళ్యాణంలో కుటుంబ సమేతంగా పాల్గొన్న మంత్రి బీసీ ☞ ఉపాధ్యాయ సమస్యలను పరిష్కరిస్తాం: ఎమ్మెల్సీ భూమిరెడ్డి ☞ నందిపాడులో ప్రమాదం.. యువకుడి మృతి ☞ బీసీ రాజారెడ్డిని కలిసిన సింగర్ కరీముల్లా ☞ కురుకుందలో గాలివాన బీభత్సం ☞ రేపు కలెక్టరేట్లో PGRS: కలెక్టర్ రాజకుమారి
News April 6, 2025
పశ్చిమ బెంగాల్‌లో వెల్లివిరిసిన మత సామరస్యం
పశ్చిమ బెంగాల్ సిలిగుడిలో మత సామరస్యం వెల్లివిరిసింది. శ్రీరామ నవమి శోభాయాత్ర చేస్తున్న భక్తులను ముస్లిం యూత్ పూలు చల్లుతూ ఆహ్వానించారు. ర్యాలీలో పాల్గొన్న వారికి వాటర్ బాటిల్స్ అందజేశారు. భక్తులందరికీ శ్రీరామ నవమి శుభాకాంక్షలు తెలిపారు. సిలిగుడిలో అన్ని మతాల వారు సోదర భావంతో నివసిస్తారని, మత వివక్ష ఉండదని భక్తులు తెలిపారు.