News March 24, 2025

పాలకుర్తి: జాగృతి పోలీస్ కళా బృందం అవగాహన

image

పాలకుర్తి మండలం రాఘవపురం గ్రామంలో జాగృతి పోలీస్ కళా బృందం వారు పలు అంశాలపై గ్రామస్థులకు అవగాహన సదస్సు నిర్వహించారు. ఆదివారం ఈ సందర్భంగా చదువు, రోడ్డు ప్రమాదాలు, డయల్ 100, ఈవ్ టీజింగ్, సీసీ కెమెరాలు, షీ టీం, గుట్కా, గంజాయి, డ్రగ్స్ వాటి లాభ నష్టాల గురించి ఆటపాట రూపంలో వివరించారు. ఎస్ఐ లింగారెడ్డి, సంపత్, రాజ్ కుమార్, సూర్య, ప్రకాష్, రవి, మారయ్య తదితరులున్నారు.

Similar News

News November 29, 2025

మేడారం జాతరకు జాతీయ హోదా ఇవ్వలేం: కిషన్ రెడ్డి

image

TG: మేడారం జాతరకు జాతీయ హోదా సాధ్యం కాదని కేంద్ర మంత్రి కిషన్ రెడ్డి స్పష్టం చేశారు. దేశంలో ఏ ఉత్సవానికీ జాతీయ హోదా లేదని తెలిపారు. వరంగల్ పర్యటన సందర్భంగా ఆయన మీడియాతో మాట్లాడారు. ఎప్పటిలాగే కేంద్ర ప్రభుత్వం నుంచి సమ్మక్క-సారక్క జాతరకు నిధులు మంజూరు చేస్తామని, జాతరలో పాల్గొంటామని తెలిపారు. మేడారం జాతరను జాతీయ పండుగగా గుర్తించాలని సీఎం రేవంత్ గతంలో కేంద్రాన్ని కోరిన సంగతి తెలిసిందే.

News November 29, 2025

నల్గొండ: ఈ ఎన్నికలు మంత్రులు, ఎమ్మెల్యేలకు పరీక్షే!

image

ఉమ్మడి నల్గొండ జిల్లాలో గ్రామ పంచాయతీ ఎన్నికలు మంత్రులు, ఎమ్మెల్యేలకు పరీక్ష పెడుతున్నాయి. ప్రజాప్రతినిధులుగా గెలిచిన తర్వాత జరుగుతున్న ఎన్నికలు కావడంతో ప్రతిష్ఠాత్మకంగా మారాయి. పంచాయతీ ఎన్నికల తర్వాత ఎంపీటీసీ, జడ్పీటీసీ, మున్సిపల్, ఎన్నికలు జరగనున్నాయి. గ్రామాల్లో తమ ఓటు బ్యాంకు పదిలంగా ఉందా..? లేదా..? ప్రభుత్వంపై పల్లెల్లో ప్రజా అనుకూలత తెలియజేసేందుకు ఈ ఎన్నికలు రెఫరెండంగా మారాయి.

News November 29, 2025

నల్గొండ: ఆ గ్రామంలో పదవులు పంచుకుంటున్నారు..!

image

మొదటి విడత ఎన్నికల్లో భాగంగా నకిరేకల్ మండలం కడపర్తిలో ఒకటో వార్డులో రగడ నెలకొంది. పార్టీ కోసం కష్టపడ్డ వారికి వార్డు మెంబర్ స్థానం దక్కనివ్వకుండా సర్పంచ్ అభ్యర్థి ఒంటెద్దు పోకడకు పోతున్నాడని గ్రామస్థులు అంటున్నారు. సీపీఎంతో కుమ్మక్కై మొదటి వార్డులో సీపీఎం అభ్యర్థికి, కాంగ్రెస్ సర్పంచ్ అభ్యర్థి సపోర్ట్ చేయడం సరి కాదంటున్నారు. గెలవక ముందే కాంగ్రెస్, సీపీఎం కలిసి పదవులు పంచుకుంటున్నాయన్నారు.