News February 25, 2025

పాలకుర్తి: పాడుబడిన బావిలో గోవుల కళేబరాల కలకలం 

image

జనగామ జిల్లా పాలకుర్తి మండల కేంద్రంలో దారుణం చోటుచేసుకుంది. పట్టణంలోని శ్రీ సోమేశ్వర లక్ష్మీ నరసింహస్వామి ఆలయ ఆర్యవైశ్య సత్రం వెనుక పాడుబడిన బావిలో గోశాలలోని గోవులు మృత్యువాతపడటం కలకలం రేపుతోంది. మంగళవారం ఆ ప్రాంతంలో పొదల్లో నుంచి దుర్వాసన వచ్చింది. ఏంటా అని స్థానికులు వెళ్లి చూడగా పదుల సంఖ్యలో గోవుల కళేబరాలు కనిపించడంతో షాక్ అయ్యారు. ఈ ఘటనకు సంబంధించి మరిన్ని వివరాలు తెలియాల్సి ఉంది.

Similar News

News November 29, 2025

సీఎం రేవంత్ రెడ్డి సిద్దిపేట జిల్లా పర్యటన ఖరారు

image

ప్రజా పాలన ప్రజా విజయోత్సవాల్లో భాగంగా CM రేవంత్ రెడ్డి జిల్లాలలో పర్యటించనున్నారు. డిసెంబర్ 1 నుంచి 9 వరకు ప్రజా పాలన వారోత్సవాలు నిర్వహించాలని కేబినెట్ నిర్ణయించింది. ఈ నేపథ్యంలో సీఎం రేవంత్ రెడ్డి సిద్దిపేట జిల్లా పర్యటన షెడ్యూల్ ఖరారైంది. సిద్దిపేట జిల్లా హుస్నాబాద్‌లో డిసెంబర్ 3న బహిరంగ సభ నిర్వహించడానికి కాంగ్రెస్ నాయకులు ఇప్పటికే ఏర్పాట్లను చేపడుతున్నారు.

News November 29, 2025

రేణిగుంట: రన్‌వేపై నిలిచిన ఇండిగో విమానం

image

రేణిగుంట అంతర్జాతీయ విమానాశ్రయం నుంచి హైదరాబాద్‌కు బయలుదేరాల్సిన ఇండిగో విమానంలో సాంకేతిక లోపం తలెత్తింది. ఉదయం హైదరాబాద్‌ నుంచి రేణిగుంటకు వచ్చిన ఆ విమానం తిరిగి బయలుదేరే సమయంలో రన్‌వేపైనే ఆగిపోయింది. పైలట్లు లోపాన్ని గుర్తించి విమానాన్ని ఆపడంతో ప్రయాణికుల్లో కొంత ఆందోళన నెలకొంది. విమానాశ్రయం సాంకేతిక బృందం మరమ్మతులు చేపట్టింది.

News November 29, 2025

NZB: కవిత మాటలు ముమ్మాటికి నిజం: జాగృతి

image

కాళేశ్వరం ప్రాజెక్టు ద్వారా NZB, KMR జిల్లాల్లో ఒక్క ఎకరానికి కూడా నీళ్లు ఇవ్వలేదన్న కవిత మాటలు ముమ్మాటికీ నిజం అని తెలంగాణా జాగృతి రాష్ట్ర రైతు విభాగ అధ్యక్షుడు నవీన్ రెడ్డి అన్నారు. ఆయన మీడియాతో మాట్లాడుతూ.. కాళేశ్వరం ప్రాజెక్టు కింద NZB జిల్లాలో 1,81,349 ఎకరాలు, KMR జిల్లాలో 1,86,262 ఎకరాలు ప్రతిపాదించారని ప్యాకేజీ 20, 21, 21ఏ, 22 కింద వీటిలో ఏ ఒక్క ఎకరానికి కూడా నీళ్లు రాలేదన్నారు.