News February 25, 2025

పాలకుర్తి: పాడుబడిన బావిలో గోవుల కళేబరాల కలకలం 

జనగామ జిల్లా పాలకుర్తి మండల కేంద్రంలో దారుణం చోటుచేసుకుంది. పట్టణంలోని శ్రీ సోమేశ్వర లక్ష్మీ నరసింహస్వామి ఆలయ ఆర్యవైశ్య సత్రం వెనుక పాడుబడిన బావిలో గోశాలలోని గోవులు మృత్యువాతపడటం కలకలం రేపుతోంది. మంగళవారం ఆ ప్రాంతంలో పొదల్లో నుంచి దుర్వాసన వచ్చింది. ఏంటా అని స్థానికులు వెళ్లి చూడగా పదుల సంఖ్యలో గోవుల కళేబరాలు కనిపించడంతో షాక్ అయ్యారు. ఈ ఘటనకు సంబంధించి మరిన్ని వివరాలు తెలియాల్సి ఉంది.