News February 2, 2025
పాలకొండ: హాస్టల్ పైనుంచి పడి విద్యార్థి మృతి
హాస్టల్ పైనుంచి పడి విద్యార్థి మృతి చెందిన సంఘటన పాలకొండలోని ఓ ఇంటర్ కళాశాలలో జరిగింది. ఎస్ఐ ప్రయోగమూర్తి తెలిపిన వివరాల ప్రకారం.. ఇంటర్ మొదటి సంవత్సరం చదువుతున్న ఎం.నిఖిల్ కళాశాల పైనుంచి శుక్రవారం పడి తీవ్రంగా గాయపడ్డాడు. శ్రీకాకుళం ఆసుపత్రికి తరలించగా అక్కడ చికిత్స పొందుతూ శనివారం మృతి చెందాడు. ఆత్మహత్య చేసుకున్నాడా, ప్రమాదవశాత్తు పడి చనిపోయాడా అనే కోణంలో పోలీసులు దర్యాప్తు చేపట్టారు.
Similar News
News November 27, 2025
పెగడపల్లి: సీఐటీయూ రాష్ట్ర ఉపాధ్యక్షురాలిగా రజిత
సీఐటీయూ రాష్ట్ర ఉపాధ్యక్షురాలిగా జగిత్యాల జిల్లా మల్యాల మండలం తక్కల్లపల్లి అంగన్వాడీ టీచర్ A.రజిత ఎన్నికయ్యారు బుధవారం ఆదిలాబాద్‌లో జరిగిన రాష్ట్ర ఐదవ మహాసభలో రజితను రాష్ట్ర ఉపాధ్యక్షురాలుగా ఏకగ్రీవంగా ఎన్నుకున్నారు. అలాగే రాష్ట్ర కమిటీ సభ్యులుగా పలుగుల జయప్రద (పెగడపల్లి) G.స్వప్న (జగిత్యాల) ఏకగ్రీవంగా ఎన్నుకున్నారు. ఈ సందర్భంగా జిల్లాకు చెందిన అంగన్వాడీ టీచర్లు, ఆయాలు వారికి కృతజ్ఞతలు తెలిపారు.
News November 27, 2025
ఆ బంగ్లాను రబ్రీదేవి ఖాళీ చేయరు: RJD
RJD చీఫ్ లాలూ భార్య రబ్రీదేవి ఉంటున్న నివాసాన్ని ఆమె ఖాళీ చేయరని, ఏం చేసుకుంటారో చేసుకోండని ఆ పార్టీ బిహార్ చీఫ్ మంగానీ లాల్ మండల్ తెలిపారు. జీవితకాల నివాసం కింద ఆ బంగ్లాను కేటాయించినట్లు చెప్పారు. పట్నాలోని అన్నే మార్గ్‌లో CM నివాసం ఎదుట రబ్రీదేవి, లాలూ 2 దశాబ్దాలుగా ఉంటున్నారు. కాగా దాన్ని ఖాళీ చేసి హార్డింజ్ రోడ్ 39 బంగ్లాకు మారాలంటూ ఇటీవల నితీశ్ ప్రభుత్వం ఉత్తర్వులివ్వగా RJD స్పందించింది.
News November 27, 2025
జగిత్యాల: లేబర్ కోడ్స్ రద్దు చేయాలని కలెక్టర్‌కు వినతి
కేంద్ర ప్రభుత్వం ఆమోదించిన 4 లేబర్ కోడ్స్‌ను రద్దుచేయాలని కేంద్ర కార్మిక సంఘాల ఐక్యవేదిక జిల్లా జేఏసీ నాయకులు బుధవారం కలెక్టర్‌కు వినతిపత్రం అందజేశారు. వేతనాలు, ఉద్యోగ భద్రత, సంక్షేమం, పని పరిస్థితుల పేరుతో ఆమోదించిన ఈ కోడ్స్ వల్ల కార్మికుల కుటుంబాలకు జీవనప్రమాణాలు దెబ్బతింటాయని వారు ఆందోళన వ్యక్తంచేశారు. కార్మికులకు అనుకూలమైన 44 కార్మికచట్టాలను అమలుచేయాలని కేంద్ర, రాష్ట్రప్రభుత్వాలను వారు కోరారు.