News April 13, 2025

పులిచెర్ల: బావిలో దిగి బాలుడి మృతి

బంతి కోసం బావిలోకి దిగి పైకి రాలేక దిలీప్ అనే బాలుడు ప్రాణాలు కోల్పోయిన ఘటన పులిచెర్ల మండలం అయ్యవారిపల్లిలో చోటుచేసుకుంది. సురేష్, లత కుమారుడైన దిలీప్ బెంగళూరులో ఉంటున్నారు. ఉగాది పండుగకు అయ్యావారిపల్లికి వచ్చారు. శనివారం సాయంత్రం అవ్వతో కలిసి పొలం వద్దకు వెళ్లాడు. బంతి ఆడుకుంటున్న సమయంలో బంతి బావిలో పడింది. బంతి కోసం దిగిన దిలీప్ పైకి రాలేక మృతి చెందాడు. కల్లూరు ఎస్సై ఘటనా స్థలాన్ని సందర్శించారు.