News January 28, 2025
పులివెందుల: అన్నను హత్య చేసిన తమ్ముడు అరెస్టు
అన్నను తమ్ముడు హత్య చేసిన ఘటన కేసులో తమ్ముడిని సోమవారం పోలీసులు అరెస్టు చేశారు. వారి వివరాల మేరకు.. 2024 సెప్టెంబర్ 13న పులివెందుల(M) రాయలాపురం గ్రామానికి చెందిన మతిస్తిమితం లేని బాబయ్య, తమ్ముడు బాబా ఫక్రుద్దీన్‌తో గొడవపడి కోపంలో సమ్మెటతో బలంగా కొట్టి చంపాడు. మృతుడి కుటుంబ సభ్యుల ఫిర్యాదు మేరకు అదే రోజు కేసు నమోదు చేశారు. విచారణ నిమిత్తం సోమవారం అరెస్టు చేయగా కోర్టు రిమాండ్ విధించింది.
Similar News
News November 30, 2025
పుష్పగిరిలో అరుదైన బ్రహ్మసూత్ర శివలింగాలు!
పుష్పగిరి గంగాధరేశ్వర, శివాలపల్లి కాశీవిశ్వేశ్వరాలయాల్లో అరుదైన ‘బ్రహ్మసూత్ర’ శివలింగాలున్నట్లు చరిత్రకారుడు బొమ్మిశెట్టి రమేశ్ తెలిపారు. శివలింగంపై ఉండే ప్రత్యేక నిలువు గీతలను బ్రహ్మసూత్రం అంటారని, ఇవి చాలా అరుదని చెప్పారు. వీటిని ఒక్కసారి దర్శిస్తే వెయ్యిసార్లు శివాలయానికి వెళ్లినంత ఫలం దక్కుతుందని వివరించారు. ఇవి 10, 13వ శతాబ్దాల నాటివని ప్రముఖ స్థపతి డాక్టర్ ఈమని శివనాగిరెడ్డి వెల్లడించారు.
News November 30, 2025
కడప: సోమవారం ప్రజా ఫిర్యాదుల పరిష్కార వేదిక రద్దు
తుఫాన్ హెచ్చరికల నేపథ్యంలో డిసెంబర్ 1న(సోమవారం) కడప జిల్లా పోలీస్ కార్యాలయంలో జరగాల్సిన ప్రజా ఫిర్యాదుల పరిష్కార వేదిక కార్యక్రమాన్ని రద్దు చేసినట్లు ఎస్పీ నచికేత్ వెల్లడించారు. ప్రజలు అనవసర ప్రయాణాలు చేయకుండా, తమ ఫిర్యాదులను meekosam.ap.gov.in ద్వారా ఆన్‌లైన్‌లో నమోదు చేసుకోవాలని సూచించారు. ఈ సౌకర్యాన్ని వినియోగించుకుని సమస్యలను పరిష్కరించుకోవాలని కోరారు.
News November 30, 2025
తిరుపతి రుయాలో రూ.50వేల ఇంజెక్షన్ ఫ్రీ
బ్రెయిన్ స్ట్రోక్ అత్యంత ప్రమాదకరం. చికిత్సకు రూ.లక్షలు ఖర్చు చేయాలి. తిరుపతి రుయాలో ఉచితంగా వైద్యం అందిస్తున్నారు. మంగళ, శుక్రవారం న్యూరాలజీ OP ఇస్తారు. అత్యవసర వైద్యం 24గంటలు అందిస్తారు. చేయి, కాలు, మాట పడిపోవడం, మూతి వంకర పోవడం, కళ్లు కనిపించకపోవడం బ్రెయిన్ స్ట్రోక్ లక్షణాలు. సకాలంలో గుర్తించి ఇక్కడికి తీసుకొస్తే రూ.50వేల విలువైన ఇంజెక్షన్ వేస్తారు. 90శాతం ప్రాణాపాయం తప్పుతుంది.
SHARE IT.