News July 27, 2024

పుల్లలచెరువు: ఆగి ఉన్న జేసీబీని ఢీకొన్న బైక్‌.. వ్యక్తి మృతి

పుల్లలచెరువు మండలంలోని కోమరోలు గ్రామ సమీపంలో శనివారం రాత్రి రహదారిపై ఆగి ఉన్న జేసీబీ వాహనాన్ని ద్విచక్రవాహనం వేగంగా వచ్చి ఢీకొంది. ఈ ప్రమాదంలో ద్విచక్రవాహనంపై ఉన్న వ్యక్తి తీవ్రంగా గాయపడి అక్కడికక్కడే ప్రాణాలు కోల్పోయాడు. మరొక వ్యక్తికి తీవ్ర గాయాలయ్యాయి. స్థానికుల ద్వారా సమాచారం అందుకున్న పోలీసులు ఘటనా స్థలానికి వెళ్లి దర్యాప్తు చేపట్టారు. మృతి చెందిన వ్యక్తి వివరాలు తెలియాల్సి ఉంది.