News March 10, 2025

పూర్వ విద్యార్థుల ఆత్మీయ కలయిక

వడ్డాది కేఏడీ జడ్పీ హైస్కూల్లో 2008-09 విద్యా సంవత్సరంలో టెన్త్ పూర్తి చేసిన పూర్వ విద్యార్థులు 16 ఏళ్ల తరువాత ఆదివారం కలిశారు. విద్య, ఉద్యోగ, వ్యాపారం నిమిత్తం ఎక్కడెక్కడో స్థిరపడిన వారంతా చదువుకున్న హైస్కూల్లో సమావేశమై నాటి మధుర జ్ఞాపకాలను గుర్తు చేసుకున్నారు. ఒకరినొకరు ఆప్యాయంగా పలకరించుకుని క్షేమ సమాచారం తెలుసుకున్నారు. ఆటపాటలతో రోజంతా ఉల్లాసంగా గడిపారు. చదువు చెప్పిన గురువులను సత్కరించారు.